5:17 ص

بنت من الزمن ده

بنت من الزمن ده

مسلسل اخر يضاف لقائمة دراما الاعاقه النفسيه ومنتهي الاستخفاف بعقلية المشاهد

ولا اعلم لماذا يصر صانعوا الدراما قمة الاصرار علي تهييف وتهميش هذه العقليه

علي الرغم ان المشاهد نفسه هو لب هذه الصناعه فهي المفروض في الاساس اليه

وحتي لا اخرج عن الفكره الاساسيه لموضوعنا

فبما اني احد بنات الزمن ده علي ما اعتقد وادعي فكان لازما ولابد وحتما ان ابوح بما يكتم علي مراوحي (ممكن اروح فيها ياناس )

اخشي ان اصاب قريبا بالهسهس ان لم اصل لاجابه لذلك السؤال :

من اين اتي المؤلف بهذه البنت (شروق) التي من الزمن ده ؟؟!!

فانا في هذا الزمن من زمان كما تدعي شهادة ميلادي ولم اري او اسمع عن هذه البنت

دعوني اعرض فكره لمن ليس لديه فكره

المسلسل باختصار شديد عن احد فتياة الشوارع

والفارق بينها وبين غيرها من زميلاتها انها تعيش مع اسرتها الفقيره في احد العشوائيات او الخرابات اذا جاز التعبير

اي انها تعرف اصلها من فصلها

طبعا صورها المؤلف في ابهي صور الشجاعه والمجدعه والامانه والاباء والكرامه والضمير ونظافة اليد وزكاء العقل والنباهه ....الخ

وطبعا من اجل الحبكه الدراميه وحشو الاحداث لتصل الي 30 حلقه ويزيد لابد ان تتعرض لكم من المشكلات والازمات والتي اذا تعرض اي انسان طبيعي لنصها كانت كفيله للقضاء عليه بالسكته القلبيه والشلل الرباعي

وعلي الرغم من ذلك ممكن تمر هذه الاحداث مرور الكرام

لكن وبما اني بنت من الزمن ده لايمكن ولا يجوز ولا يصح ان امرر رغبة الكاتب الغريبه جدا

في تعليق الشاب الجامعي خريج كلية الهندسه الوسيم ابن رجل الاعمال الناجح بهذه الفتاه علي الرغم من رؤيته لها في اشارات المرور بملابسها المرقعه وبيئتها العشوائيه واسرتها المفككه سيئة السلوك !!

ولن اغفر له بتاتا هروبه من مشكلة وضعها هذا وتغيير وضعها علي النقيض تماما بتكفل احد علماء الاجتماع لها واجراء بعض التجارب والابحاث عليها علي غرار مسرحية سيدتي الجميله وتحويلها من شخصيه متشرده عشوائيه الي باحثه حاصله علي الماجستير واجادتها للعديد من اللغات وزواجها ن ابنه الدكتور وذلك خلال خمس سنوات فقط لا غير !!!!!!!!!!


بالطبع لا احقر من اهل العشوائيات واصحاب المهن البسيطه

ولا استهين ابدا بكل انسان طموح للوصول للافضل

لكن مالم اسمح به الاستهانه بي كمشاهد عموما

وكبنت من الزمن ده خصوصا

خمس سنين !!

خمس سنين من انسانه جاهله متشرده الي باحثه حاصله علي الماجستير !!

مهندس شاب متعلم ذو مستوي اجتماعي مرموق يتمسك بهذا النموذج ويتحدي العالم من اجله ويرفض الارتباط بسواها !!!

دي شهادة محو الميه لوحدها بتاخد تلات سنين علي الاقل

ويرجعو يقولو دراما الواقع واحنا بنمثل واقع ملموس

لعل اسم العمل الاصلي : " بنت من المريخ " ولكن تم التغيير للتمويه !

امضاء : بنت من الزمن دهون *_^

يتبع

2 التعليقات:

مستكه يقول...

Ahmed Al-Sabbagh يقول...

نقد جميل دايما بحس انهم فاكرينا هنود
29 أكتوبر, 2008 10:43 م
مستكه يقول...

اهلا وسهلا بيك استاذ احمد شكرا لزيارتك الكريمه اتمني متكونش الاخيره بالنسبه لمسالة الهنود دي فياريتهم يفكرونا هنود حتي علي الاقل الهنود وصلوا لمكانه احنا موصلناش لها الي الان
30 أكتوبر, 2008 04:08 م
نفرتيتي يقول...

يا نهاري الحمد لله اني معنديش تليفزون عربي كان زماني بهسهس بجد انا على كدة باه المفروض ابقي مع ساقطين الثانوية العامة انا قعدت 5 سنوات بعد التخرج لحد ما اخدت الماجستير والحجة من لا شئ للماجستير أيوة ده انا يأما بليدة اوي يأما بأه العلم بيتقم بسرعة الضوء حرام بجد اللي بيعملوه فينا ويسفهوا في عقولنا مستكة لا أملك غير ان احيكي على نقدك واقول ربنا على المفتري الكاتب والممثل والمخرج وكل كليلة
01 نوفمبر, 2008 12:02 ص
مستكه يقول...

هههههههههههههه شفتي بئه يا نيفرتيتي عشان تعرفي انك خايبه وادي اخرة التعليم هي اتعلمت كل حاجه في خمس سنين وانتي حياله اخدتي الماجستير في اربع خمس سنين يابنتي ادو العيش لخبازه بئه ^_^
01 نوفمبر, 2008 12:22 ص
Dr.Soha Adel يقول...

مستكه قولتي اللي كان جوايا يا اوختي و الله انا شوفته وجالي حالة قرف من المسلسلات المصريه اساسا زي ما بتقولي انا سالت محمد نفس السؤال في يوم ازااااااااااي هو في المستوى ده و ينبهرررررررررر بواحده في المستوى ده ازااااااي ساعتها قالي هدي اعصابك هي دي الدراما المصريه نيجي على موضوع الماجيستير :(( :(( هنقول ايه بس هي للحق يا مستكه كانت سايبه المدرسه في اولى اعدادي يعني البنت ما كانتش اميه بس 5 سنين يادوب تكمل ثانوي ياعيني على اللي درسوا 12 سنه و بعدها 7 سنين كليه و لسه بيذاكروا عشان يحضروا الماجيستير ربنا يتولانا بقى و موضوع ابن الدكتور بقى اللي هو دكتور برده في الجامعه ده من قبل ما هي تنضف اساسا لو فاكره قعد يبص في صورها و هي في الشارع و يبتسم و يتأمل :s بيتأمل في ايييييييييه ما اعرفش انا من الحلقه دي اه عشان المهندس بعد عنها هيخلوا الدكتور يحبها يلا هنعمل ايه انا هقاطع الدراما المصريه السوريه بقت احلى على الاقل فيها فكره معلش طولت عليكي يا مستكه اصلي كنت مفروسه بس ساكته :)
11 نوفمبر, 2008 05:33 ص
مستكه يقول...

سهي منوره والله العظيم اسفه مشفتش مشاركتك قبل كده معلش بئه لسه جديده في الكار وبالنسبه للفئعه يا اوختي مش انتي بس والله هما ناويين يخلصو علينا بالبطيء من خلال المسلسلات ههههههههههه والغريب في الموضوع فعلا انه علي الرغم من كووول النقد ده اننا لسه بنتفرج برضه هههههههههههه بنحب نعذب نفسنا ^_^
29 نوفمبر, 2008 08:10 م
koukawy يقول...

ايوه فعلا ليكي حق سيناريوهات و قصص تجيب القلب و لا يعني لمل يجيبولك واحده بتشتغل شغلانه بسيطه و عايشه في شقه فارهه و لا لما ييجبولك المدارس فله و الأطفال مغسولين بسافو عادي انا بحس ان انا عايشه في زمبابوي مش في مصر
03 ديسمبر, 2008 11:33 ص
مستكه يقول...

koukawy ابتسمي فانتي تشاهدي دراما هوليود الشرق وكل ماحد يتكلم يقولك احنا بنمثل الواقع لدرجة اني ابتديت اصدق انهم اللي واقع واحنا اللي خيال وعجبي !
03 ديسمبر, 2008 09:46 م
norahaty يقول...

شهادة محو(المية)لوحدها بتاخد 3سنوات على رأيك عمالين نعلم فى بنت اختى الف باء بقالنا 3سنين ومافيش فايدة:) لكن اهى مسلسلات وعالم بيركبوا المرسيدس والشبح من الضحك على دقونا ودقون اللى زيينا !
17 فبراير, 2009 09:26 م
intelligence يقول...
تمت إزالة هذه الرسالة بواسطة مشرف على المدونة الإلكترونية.
27 فبراير, 2009 07:14 ص
شريكة في المطعم يقول...

عندك حق انا متابعتش المسلسل ده..لان من بدايته كان ميشجعش وقال واحدة من الشوارع تاخد الماجستير بالسهولة دي !! ده الي مقضيين حياتهم كلها في التعليم..بيطلع عينهم في الماجستير وبياخد سنين وسنين......
26 مارس, 2009 10:17 م
مستكه يقول...

norahaty : ههههههههه متتعبيش بنت اختك عيشيها في مسلسل تاخدلكم الدكتوراه في اربع حلقات ونص نورتيني بمرورك ........................... شريكة المطعم اهلا وسهلا بيكي نورتيني بوجودك شفتي بئه اهي دي دراما الواقع احمدي ربنا انك مش شوفتيه وانصحك بلاش تشوفي باقي المسلسلات
28 مارس, 2009 07:48 م

بنوته صغيورة يقول...

مستوكتى
احنا فى زمن السرعة و ماتستغربيش لو البنت ده بقت سفيرة بع خمس شهور حتى
الموضوع بقى مهلبية
اى حد بياخد اى حاجة فى اى وقت
و الله انا برضه قلت زيك كده اول ماشفت المسلسل و قرات كذا نقض على نفس الموضوع
معقول حد ياخد ماجيسيتر و تبقى باحثة فى خمس سنين
و عجبى