2:58 ص

بيييييييتزاااااااااا


السلام عليكم ورحمة الله وبركاته


لازم انزل بوست جديد فيه اول الكلام الفعلي بتاعنا

وعشان هو اول حاجه بئيت محتاره جدا

ياتري يكون عن ايه

هل نتكلم في موضوع اجتماعي يهمنا كبنات

ولا نبتدي مثلا بموضوع عن الاشغال اليدويه

ولا اكبر من كووول الصوداع ده ونعد نتكلم عن فضفضاتنا واحاسيسنا

واعدت افكر وافكر
وفجاه سمعت صوت
لا لا مش جرس الباب
دي عصافير بطني اللي صوتها راح من النونوه

قلت بس وجدتها
اول موضوع عن الاكل
وبما اني بحب جداااا البيتزا
قررت تكون اول وصفه للبيتزا
صحيح هي مش عمايل ايديا وحياة عنيا
لكن كل خطواتها كانت علي يدييييييي

و اكلت منها واقدر اؤكد لكم وابصم بالعشره انها كانت راااااااااااااائعه الطعم
وتسلم ايد اللي عمل
وبالهنا والشفا علي اللي اكل
وشوفوا وجربوا وتعالو قولولنا علي النتيجه
وانا كمان علي فكره هجرب بايدي ان شاء الله
واذا كان في العمر بقيه هاجي واقولكم النتيجة
ما احنا اتفقنا اني بتعلم معاكم
يلا بينا نبتدي :


بيتزا مارجريتا


المكونات :



1 ك دقيق
ملعقة خميره فوريه
1ملعقة ملح صغيره
نصف ملعقة سكر صغيره
نصف كوب زيت
2كوب زبادي
ماء دافيء



الطريقة ...

يوضع الملح والسكر والخميره علي الدقيق


ويقلب حتي يمتزج مع الدقيق ثم نضع الزبادي

والزيت ويقلب الخليط جيدا

(ملحوظه : الزيت بيتحط مباشرة دون تسخينه )

ثم يوضع الماء الدافي للعجن وبيكون حسب احتياج العجينه

مع مراعاة ان تكون المياه فاتره لانها لو ساخنه هتفشل العجينه

ويتم العجن



وتترك العجينه حتي تختمر تماما

ثم تقطع كرات علي حسب العدد المطلوب

ثم تفرد كل قطعه علي حدي ويضاف اليها الحشو

الحشو ...



بالنسبه للمكونات اللي بتتحط علي البيتزا دي حسب زوق كل واحد في الاكل
هنا حطينا فلفل اخضر - طماطم - زتون اسود قطع - لحم مفروم معصج
جبن متوزريلا - جبن دوبل كريم - صلصه عليها معلقة زيت وقيلي من الملح والفلفل
لدهان العجينه بعد فردها بالصلصه ثم نضع العصاج وعليه الطماطم والزتون والفلفل وعلي الوش الجبنه

(ملحوظه: بيتزا المارجريتا بتكون حشوها صلصه وجبنه فقط )
وده كان الشكل النهائي للبيتزا




وبالهنا والشفا

ياريت تجربو وتقولولي رايكم


1 التعليقات:

مستكه يقول...

مرسلة بواسطة مستكه في 07:56 م
14 التعليقات:

~ شيمى ~ يقول...

وااااااااااو بجد تسلم ايديكى انا جعت بقى هئ هئ
13 أغسطس, 2008 05:31 ص
Nairy يقول...

ريقي جري جري نط ف حجر امي لازمن تعملي البيتزا دي ايه يا مستكة الرحمة مش كدة...امال ف رمضان هاتعملوا فينا ايه بالحلويات واللذي منه؟
13 أغسطس, 2008 07:17 م
radwa يقول...

هو بيطلع شكلها كده فعلا ؟؟ ماشاء الله بجد جوعتيني يا مستكه احم ..ممكن اى طبق فيهم سؤال بقى هي بتبقى طريه من تحت ؟؟ لو ناشفه مش عاوزة D:
14 أغسطس, 2008 12:43 ص
عاشــــــ النقاب ـقــــة"نونو" يقول...

دة كلام طب هاتي حتة بقى ما تحطيش صور تخلي الواحد يهكر على المدونة تسلم يديكي تحياتي
15 أغسطس, 2008 02:55 م
مستكه يقول...

اهلا بيكي يا شيمي نورتينا فرحت جدا بمرورك وكمان انه البيتزا عجبتك انا كمان كل ما اشوف صورتها اجوع مش عارفه اخرتها ايه دلوقتي تيجي حبهانه وتقولالرجيييييييم يا بنااااااااااااات مش عارفه هي البنات هتعمل ايه ولا ايه ههههههههههههه
19 أغسطس, 2008 12:06 ص
مستكه يقول...

نيرووووووشه ما انا قلتلك يا بنتي ليكي نسبه من كل طبق تلاقيه دليفري علي باب بيتك بس بقولك ايه فكك من موضوع رمضان ده مقدرش اوعدك اما نشوف ما الذي في جعبة حبهانه اللي اول ما عملنا المدونه وهربت مني ممكن نقضيها فوازير ايه رايك هههههههههههههه
19 أغسطس, 2008 12:11 ص
مستكه يقول...

رووووووووضه ايه يا جماعه احنا هنتلكك بئه انتو جعانين لوحدكم من غير البيتزا عموما اغلطوا واعملوها وتعالولي وانا وهوريكو اللي عمركو ما شفتوووووه نياااااااااااهاهاهاها قتشيعه محدش بياكلها بالساهل علي فكره يا رضوي البيتزا بتطلع زي ماهي كده زطريه ولو عايزه تنشفيها رققيها وعلي الفرن سنه عشان تكون مقرمشه بس خلي بالك لا تحرقيها اي خدعه
19 أغسطس, 2008 12:18 ص
مستكه يقول...

عاشقة النقاب دي البيتزا والمدونه كلها تحت امرك يا جميل يا نهار ابيض بصي خبيتلك الحته دي من رضوي ونايري الحقي بئه اشئطي من ايدي وانا مش مسؤله
19 أغسطس, 2008 12:20 ص
أم البنات يقول...

تسلم إيدك يا جميله متتأخريش علينا وصفه رائعه

بجد ممتازة
22 أغسطس, 2008 12:51 ص
مؤمنه يقول...

السلام عليكم ورحمة الله وبركاته بدايه تفتح النفس بس لو نوين تستمروا كده فى رمضان أخلع أنا بجد شكلها لذيذ اوى تسلم أفكاركوا أوعدك اجربها دومتى بأطعم حال والسلام عليكم ورحمة الله وبركاته
22 أغسطس, 2008 05:44 م
radwa يقول...

انتوا اخركم بيتزا ولا ايه ؟؟ فين الاختوراعات بتاعتكم؟؟؟؟؟؟؟؟؟ شاكوش ومصدي كمان
28 أغسطس, 2008 04:23 م
مستكه يقول...

ام البنات نورتيني والله انا اسفه علي التاخير ماخدتش بالي انه في ردود في البوست الا دلوقتي منوره الدنيا يا جميل وتابعينا في اللي جاي ان شاء الله يعجبك
03 سبتمبر, 2008 12:13 ص
مستكه يقول...

مؤمنه انتي صاحبة مكان خلاص ان شاء الله احاول انزل وصفات سهله في رمضان ياريت تتابعينا عشان تقوليلنا رايك واضافاتك علي الوصفات اه اومال محدش يدخل هنا ويطلع كده لازم كلنا نستفييد
03 سبتمبر, 2008 12:15 ص
مستكه يقول...

يا بنتي دا انا ماليش بركه الا انتي بس كده وهكذا جنت علي نفسها الشابه نطفه قتشيعه محدش بياكلها بالساهل
03 سبتمبر, 2008 12:19 ص