11:28 ص

مقرمشات الذرة


مــقــرمــشــات الذرة



المقادير :

1 كوب دقيق ذره صفره

ملعقة زبد صغيره

ملعقة ملح صغيره

ماء ساخن حسب احتياج العجين




الطريقه :

يوضع الدقيه وعليه الملح والزبد ويزود بالماء الساخن حتي يسيح الزبد ويعجن جيدا ويراعي ان يكون قوام العجين سايب وليس متماسك (شرط لنجاحها )

ناتي بصينيه تيفال (لعدم التصاق العجينه ) وبظهر الملعقه يتم فرد العجينه في شكل وحدات الشيبسي ( اهم شيء مش نعملها تخينه عشان تطلع مقرمشه لو تخناها بالمعلقه هتكون طريه شويه زي العيش ) وممكن وضع الجبن الرومي المبشور علي وشها حسب الرغبه .

ثم توضع في الفرن

ملحوظه هامه : الوقت المستغرق في الفرن بسيط جدا لا يتعدي دقيقه او اتنين لانها سريعة السوي

ممكن تاكل لوحدها او مع الجبن بانواعه او مع الشاي او أي صوص

وبالهنا والشفا




18 التعليقات:

الفارس يقول...

مدون جديد
اتمنى
زيارتك

أم البنات يقول...

مستكه
الدار أمان ولا ابلغ فرار
شكلها رائع
بس الاهم جربتيها يعنى اطمن الاطباق دى بتاعتك
مش بتاعة جيرانا اللى فى المدن الجديده؟
طمنينى بس
علشان لو من ايديك وحياه عنيك هاعملها ومش هيهمنى كلام وائل عن السمبوسكه وأخواته
عارفاهم طبعا"
وش بيبص بخبث

مستكه يقول...

اهلا وسهلا يا استاذ فارس

نورت يافندم

مستكه يقول...

ام البنات

حتي انتي !!

وانا اللي بقول ماليش غير ام البنات حبيبتي اللي بدافع عني .

متخافيش يا ستي والله اكلته بنفسي كمان عملته بايدي بس مش اللي في الصوره ده يعني للامانه


وطبعا تحت اشراف المدن الجديده اكيد ^_^

Blogger Wael Mostafa يقول...

.

مقرمشات ايه معاليكى ؟؟ الذرة ... طااااايب

شكلها حلو فعلا وانا شخصيا احب المقرمشات و المخربشات (لما بكسب بس )

ـــــــــــــــ

حضرتك يا امى تقصدى ان المقرمشات دى اونطه زى الكيكه اللى طلعت مش كيكه

ايوة يعنى قصدك ان اختنا مستكه كبيرها تقطع الخيار والطماطم اللى جنب المقرمشات

او عشان ميخلوهاش تقف فى المطبخ فينزلوها تجيب علبه الجبنه الكيرى اللى هيصورها

مش فاهم يعنى بس واضح ان فيه معلومات كبيرة وخطيرة ورا صوت القرمشه اللى انا سمعته دة

طب جربى تعمليها يا امى كدة وانا ادوق واحكم ع القرمشه .. انما حاجات مستكه بقلق منها بصراحه من ساعه ما عذبت الكنافه وبعدها مصممه تقنعنى ان القطايف اسمها سمبوسك

يا خوفى لتقول على المقرمشات بعد كدة صنيه بطاطس بالكفته

Weal Mostafa يقول...

انا طبعا معترف بموهبتك بجد وماشاء الله عليكى فعلا
بس عشان مبلاقيش حاجه اقولها فى موضوع زى دة فبتلامض بس

اوعى تزعلى يا اخت مستكه

نفر تيتى يقول...

مستكة ازيك وازي افتكاساتك
بصي انا كان عندي دقيق الذرة من فترة وماكنتش عارفة اعمل بيه ايه
واساسا انا مش فاكرة انا اشتريته ليه من اصله
المهم اني قررت اني اجرب واعمل الطريقة دي
هي صينينة البسيمة من يومها ما لسة ما خلصتش
والله يا مستكة يا ختي طعمها حلو اوي بس فين النفس بأه
بس خلاص انا صلحت شبكة الفرن يعني الصواني مش هتتعوج تاني
ربنا يستر بأه
على العموم انا هجرب واقولك وعلى حسب المنظر اللي خارج من الفرن يكون قرار التصوير
ربنا يستر




مستكة
انا بثق في وصفاتك على فكرة
اوعي يا مستكة تخزليني
الله المستعان

مستكه يقول...

بشمهندس وائل

خلاص عفونا عنك

طنط ابقي اديله منها وامرك لله

...............................

نيفرتيتي

ربنا يستر

ياخوفي يابدران

هههههههههههههه

منتظراكي

نفر تيتى يقول...

مستكة
بلاش نجيب سيرة الموضوع تاني
خلاص انا نسيته تماما
ومش عايزة افتكر
وش كسوف

بصي انا وعدتك هصور في حالة واحدة
وانا ما صورتش
انا عملت حلة فشار
اظن انتي كدة فهمتيني كويس

بصي انا بقول ادوقها من ايدك احسن
لما اجي مصر ان شاء الله بالسلامة وارتاح 6 او 7 سنين كدة
هبقي اجيلك المنصورة اتعزم علي مقرمشات الذرة
ووقتها هبقي اقولك رأئي بمنتهي الصراحة والوضوح والشفافية
ماله الفشار
وحش ده زي الفل
فتك بعافية

salma mohamed . يقول...

السلام عليكم
دي اول زيارة لمدونة حضرتك
وانا بحب الوصفات الجديدة
وبحب جدا المقرمشات وشكلها بجد تحفه
وان شاء الله انا هجربها في اقرب فرصه بس يارب تطلع كويسه
وهيسعدني زيارة حضرتك

مستكه يقول...

اهلا بيكي ياسلمي

نورتين ويارب الوصفات البسيطه دي تعجبك

ومتعمليش زي نيفرتيتي وتكرهي تزوريني مره تانيه

^_^

Dr.Soha Adel . يقول...

و الله شكله هيطلع حلو

هو ده شبه التوريتو كده يا مستوكه و لا لا

تسلم ايديكي

بنوته صغيورة يقول...

اهىء اهىء اهىء
فكرتينى بتجربةقاسية يا مستكة
فى يوم كنت بعمل حاجة قريبة من اللى عملتيها كده و من غير ما اقول لماما و انا خبرتى بقىى ايه 5 ستارز
وعملت كمية كبيرة من الشىء ده و انا لا اعرف اسمة ولا ليه شكل ولا ريحة بس و التفاصيل الؤلمةبقى بلاش ذكرها خلى الناس مبسوطة
بس جزالك الله خيرا جوعتينى
ههههههههههه
(يقولك ابقى زورى مدونتى انا بنت الحارة رضوى لو فاكرانى)

مستكه يقول...

نيفر ياحبيبتي معلش كنت فاكراني رديت عليكي

طيب عموما بلاش تسييح هنا عشان البرستيج وكده وبتاع ^_^

يعني المقرمشات مطلعتش معاكي عوضيها في الفته اللي بالخل والثوم

اوعي تقولي هي كمان طلعت اوت

وبعدين كل حرب ولها خسايرها

قصدي كل اكله ولها ضحاياها

نيااااااهااااااااااااااا

مستكه يقول...

>>>>هو ده شبه التوريتو كده يا مستوكه و لا لا >>>>>>>>>


سها

يرحمكم الله

ههههه مين اللي بتقولي عليه ده

انا شفت ابيه اسامه اطيب عملها وكان اسمها كده ولما جربناها كانت جميله مش عارفه المشكله عند نيفرتيتي كانت ايه الصراحه

بس عموما الموضوع كان ماشي حاله

^_^

بفرح اوي علي فكره لما بشوفك منوراني

مستكه يقول...

بنوته

طبعا فاكراكي

رضوي بنت اخت ام البنات وهل يخفي القمر

منوره البوست ياجميل

وبعدين ميهمكيش اي تجارب اعملي اي حاجه تيجي في بالك

اومال هتتعلمي ازاي لازم كل واحده فينا تبوظ الاكل عشر خمستاشر مره عشان في الاخر يتظبط

ومسيره هيتظبط ان شاء الله

مفيش حد طلع لقي نفسه شيف في الطبخ

فالخساير اللي في الاول دي شيء ضروري

نورتيني يا رودي

.Soha Adel . يقول...

ههههههههههههههههه

ايوه يا مستكه هو طلع التوريتو او التوريتا او التوريا اسامي ايطاليه

لمقرمشات الذره دي

انا بفرح اني بكتب عندك يا قمرايه

مستكه يقول...

سها وانا بفرح جدا لما بتزوريني

وبعدين ايطالي اسباني انتي عارفه مبيفرقش معانا الكلام ده

احنا بندوس علي طول

ههههههههههه