8:36 م

البراونيز


المقادير ...


- 2كوب سكر
- 2كوب حليب
-4ملاعق كاكاو ( غامق او فاتح حسب الرغبة )
- زيت حسب قوام الخليط ( تقريبا 2 كوب زيت )
- 3بيضه
-1 باكو بودر
-1كوب دقيق
- فانيليا
الطريقة ...
يوضع السكر +الحليب +الكاكاو بالخلاط ويضرب حتي يمتزج الخليط
ثم يوضع الزيت اثناء دوران الخليط في هيئة سرسوب رفيع حتي يقف الخلاط عن الدوران
بسبب سماكة الخليط
ثم ناخذ نصف الكمية من الخليط علي جمب والنصف الاخر نضع عليه
3 بيضة +الفانيلا ويضرب جيدا ثم يوضع الخليط في اناء ليوضع عليه الدقيق+ البودر
ويقلب جيدا ثم يوضع في صينية مبطنة بالسمن والدقيق ( ويستحسن نبطنها بالكاكاو )
وتخبز في فرن متوسط الحرارة
وعند تمام السوي يقطع الكيك ويوضع عليه خليط الشيكولا اللي جنبناه في الاول
ولازم نقطع الكيك الاول عشان الشيكولا تتخللها ... يمممممم
وبالهنا والشفا ^_^

21 التعليقات:

أبــــو ضـــيــاء يقول...

اول تعليق , والله قشطه

أبــــو ضـــيــاء يقول...

هبقى اجرب الخلطة قريب , وربنا يستر علينا وعلى بطوننا
:)

مستكه يقول...

اهلا وسهلا بيك يا ابو ضياء

حماتك بتحبك جاي والبراوني لسه طالع من الفرن طازة

متقلقش جرب وعلي ضمانتي ان شاء الله

الناس اكلوه ومحدش مات لحد دلوقتي

بس اوعدك اول ما يحصل اي اصابات مش هقولك عشان تكون مفاجئه ^_^

dr/shiko يقول...

ايه تاني تعليق مشششش معقول ... هاهاهاهاهاهاهاها (ضحكة شر) ... انتوا لسه نايمين يابشر ولا ايه؟؟؟.. المهم شكلها اكلة حلوة ممكن افكر اجربها ... بس هي معاها ضمان عشان حالات التسمم والمغص المعوي والكلوي والذي منه ولا لأ ؟؟؟هههههههه

dr/shiko يقول...

اه صح انا نسيت اعرفك بنفسي ... ممممممم اقلك ايه ولا ايه عن نفسي ؟؟ هههههههه ... انا ياسيدي اسمي dr/shiko طبعا اكيد انت بتقول اهلا وسهلا ايه المطلوب يعني ؟؟؟ ياسيدي مافيش مطلوب ولا حاجة انا بس حبيت امسي او اصبح زي ماتحب واعرفك بنفسي واقلك اني انا شريك ابوضياء ..ايوه هو ده اللي مستولي علي اول تعليق يعني احنا خدنا اول تعليقين.. ايوه انا شريكه في مدونة الرحالة وحبيت كمان ادعوك لتشريف مدونتنا المتواضعة بزيارتك الكريمة وكمان ياعم حديك اللينك عشان ماتتعبش..هههه.. مستنينك
http://alr7ala.blogspot.com/

ghorBty يقول...

يا سلامـ ايه الوصفات الجامده ديه

ربنا يكرمك حساها وصفحه سهله جدا

ان شاء الله هجربها وادعيلك :)

دمت بخير مستكه ..

أسيرة اللوحة يقول...

يم يم ,,
تسلم الايادي وصفه حلووه ,,

انا دايم اسوي كوب كيك قريب منها ,,
بس باجربها اكييييد ,,

ثانكس اقين ^^

مستكه يقول...

اهلا وسهلا بيك يا د/ شيكو

نورت المدونة يافندم

طبعا عارفه فريق الرحاله وبالامارة عيدت عليكم هناك ولسه محدش رد ^_^

وبالنسبه للبراوني فهو لذيذ جدا بجد وان شاء الله يعجبكم وبعدين خايف من الخساير ليه دا كله في مصلحتك مش حضرتك دكتور ولا دي اشاعه ^_^

عموما جرب ولا يهمك معاه شهادة ضمان بس احنا مش مسؤلين عن سوء التنفيذ ^_^


ملحوظه اخيره :

انا مستكه يعني ياسيدتي مش ياسيدي ^_^

مستكه يقول...

اهلا بيكي يا اميرة منورة الوصفة والله

بصي هي لذيذة جدا

ولو كنتي من محبي الشيكولاته هتدمنيها

ما اجملها وهي ساخنه او تحطي فوقها ايس كريم واااااااااااو

ان شاء الله هتعجبك

مستكه يقول...

اسيرة انا اللي بجد مبسوطة جدا من مرورك

علي فكرة انا كنت اول مرة اجربها بس طلعت نتيجتها ممتازة بجد ان شاء الله هتعجبك

شكلك بتحبي الكيكات يعني لو عندك اي اضافة او وصفة تانيه ليها متبخليش علينا

حبارير يقول...

مفيش مسقعة ؟

انت تسال والكمبيوتر يجيب يقول...

نحن اول برنامج أذاعى عن النت والمدونات ويذاع يوميا عدا الجمعه التاسعه وعشر دقائق صباحا على موجات الأذاعه الرئيسيه لمصر
نحن نطرح موضوعات الحلقات قبل اذاعتها فى مدونتنا لبعلق عليها اصحاب المدونات او غيرهم من الزائرين
ونذيع هذه الموضوعات مع التعليقات ومقتطفات من مدونات اصحابها اذا رغبوا
وبذلك نجمع لأول مره بين الأعلام التقليدى والنت
مدونتنا
http://netonradio.blogspot.com

عمرو يقول...

الواحد خارج من رمضان و العيد وزنه زايد كتير و لله الحمد و بعدين كملت بقى بالحاجات اللذيذه دى :)
شكل الوصفه سهله و لازم تتجرب ..
حأجربها و أقولك رأيى ..
تقبلى تحياتى ..

مستكه يقول...

استاذ حبارير عندنا يامرحبا يامرحبا

مسقعة ايه بس يا استاذ حبارير

بنقول براوني شكلك مش ليك في الحلويات

مسقعة مسقعة

عندي طريقة جميله اوي بس تقيلة شوية (صينية بادنجان في الفرن )

اعملها لحضرتك واهو كله بثوابه

محدش عايز نابت ^_^

مستكه يقول...

انت تسال والكومبيوتر يجيب

فكرة جميله موضوع انك تعمل لينك بين المدونات والاذاعه لان لكل منهما مستخدميه اللي بيختلفوا عن بعض في حاجات كتيره فكونك تحاول الربط بينهم ده شيء جميل

ان شاء الله اكون متابعه لمدونتكم الله المستعان

مستكه يقول...

استاذنا الفاضل / عمرو

حضرتك منورني والله بزيارتك

البراوني فعلا لذيذ وعلي الرغم انه بالشيكولاته الا انه فعلا خفيف

بس مينفعش مع الدايت خاااالص ^_^

salma mohamed يقول...

يوه شكل كل اللي بيقولك هيجرب مش بيجرب ولا ناوي (:
انا بهدي النفوس بس,
اصل انتي كاتبه في الطريقه زيت,
ومافيش في المقادير يا ترى زيت قد ايه؟
والله انا كنت ناويه اقوم اجرب على طول,
تسلم ايدك مستوكه,
دعواااتك كتير اوي ربنا ما يحرمني منك.

مستكه يقول...

سلمي ازيك يا قمراية عاملة ايه

منورة ياجميل

والله عندك حق كل اللي دخلوا مرجعوش تاني

ههههههههه عشان تعرفي مفعول مطبخي قوي جدااااااااا

بصي ياجميل بالنسبة للزيت انا كتباه في المقادير ركزي فيها كده هتلاقيني كاتبة تقريبا كوبين

هو مش محدد لانك بتحطي لحد ما القوام يغلظ مالهاش كمية محددة بئه

ويلرب تجربي وترجعي تاني يااارب

salma mohamed يقول...

اهو جيت تاني,
لاني بحب الشيكولاته جدا وكل ما يمسها من قريب او بعيد,
وعلى فكره انا قومت جربتها من قبل ما تكتبي مقدار الزيت,
وبصراحه عملته اقل من كده واحتجت ازود شوية دقيق على المقدار,
ماهو انا لازم اضيف لمستي انا كمان,
بس حقيقي طلعت تووووووحفه جدا ماشاء الله,
تسلم ايدك يا مستوكه,
دعواتك كتيييير.

مستكه يقول...

سلمي برافو عليكي

هي موضوع الزيت ده تقريبي علي حسب القوام

والكيكه بالذات سمكها مزاجي يعني ناس تحبها دقيق كتير فتكون سميكة شويه وناس تحبها دقيق قليل فتكون خفيفه شوية المهم انها تطلع كيكة في الاخر

فرحتيني اول مره حد يجرب حاجة عملتها ويطلع لسه عايش

احمدك يارب ^_^

al sultan يقول...

مدونتي يشرفني زيارتك
http://alr7als.blogspot.com/