ياجماله يا جماله
بحبك اوي اوي اوي يا شيف
انت معلم والباقي سلطه
ممكن اهداء !!
متستغربوش دي مش رساله غراميه
ولا رسالة اعجاب باحد النجوم او لاعبي الكوره الساحره
دي حاجه بسيطه من اللي بنسمعه يوميا في برنامج " من كل بلد أكله "
هذا البرنامج الذي ذاع صيته واشتهر كالنار في الهشيم
لا اشكك ابدا في قدرات القائمين عليه ولا مدي الاستفاده اللي حطت منه علي كل بيت
ولكن
البرنامج ده لتعلم الطهي يعني المفروض مداخلات المشاهدين استفسارات عن الاكلات المختلفه وطرقها
وما لايستطيع عقلي استيعابه ان تتصل سيده فاضله لتقول للشيف فلان بحبك اوي يا شيف
او وحشني يا شيف !!!!
او ان ترسل اخري اهداء بمناسبة خطوبة زوج بنت خالة عمة جوز بنتها !
برنامج اكل ولا ما يطلبه المستمعون !!
ما صدقنا تخلي عن البرنامج المذيع الشهير ذو الطلة البهيه والطلعه النديه
فكنا نتعذب طوال ساعه كامله بهذه الطله مكتفيين بتعلم الوصفات شفويا من الشيفات
وعندما علمنا انه حط برحاله الي محطه اخري وحمدنا الله علي هذه النعمه
تولي الرايه منه الشيف فلان الذي اذا تجرأت احد المشاهدات وقالت انها لم تشاهد حلقته
فتحت علي نفسها ابواب من سم البدن والبستفه
وفي الاخر احنا تحت امرك يافندم
يا سبحان الله !
للمره الثانيه لا انكر نجاح البرنامج وتميزه عن غيره في دقة الوصفات
لكنه يحتاج لاسلوب جيد افضل من هذا
ويأتي هنا السؤال ( ركزوا بئه عشان فيه جوايز ) اختر الاجابه المناسبه :
هل العيب في ....
- عم محمد الفكهاني اللي علي ناصية الشارع
- مقدمي البرنامج
- عامل السويتش
- المشاهدين
- العيب في السيستم
- العيب لو طلع من اهل العيب ميبقاش عيب
- تونس
منتظره ايجابتكم وايميلاتكم علي ص ب 408 صفط اللبن بيت ام رشا ورا قهوة بعجر
بفكر في توكيل مرارت من الصين
مش هنلاحق فئع مرارات من مسلسلات ولا برامج ولا اعلانات ولا قرارت وقوانين
بيتهيالي اسيبني من الطبيخ واخليني في مشروع المرارات ده اضمن !
المشاركات
8 التعليقات:
من فضلك
اقرأى الشات بوكس على ما ارجع لك ان شاء الله
ميس ميس ميس انا عايزة اجاوب
الاجابة:هى تونس طبعا بالبديهى
كده
حبيبتى مستوكتى
فئع المرارة ما بقاش يجيب همه خلاص
المرارة اتفقعت و هل بعد الفقع دم؟
خلاص كله بقى كده و اللى مش عاجبوه مايعجبوش
ام البناااااااااااات
منوره يا ست الكل
قريت الشات بوكس
والحمد لله كالعاده
مفهمتش ولاااكلمة
معلش قدرك بئه
حقيقي مش عارفه افهم المدونات وخباياها الي الان
وش ميت من الكسوف
بنوته صغننه منوراني ياجميل
علي رايك هي اتفقعت من زمان
وعشان لازم يكون عندنا مرارات مخزون استراتيجي للفقعات الجايه
فكرت اعمل صفقه من الصين
ايه رايك ماكل حاجه حوالينا بئت صيني
..
ههههههههههههههههههههه
بداية احييكي على هذا الاسلوب الساخر الرائع
ثانياً
بسم الله الرحمن الرحيم الاجابة تونس
ثالثاً اقعدوا بالعافية
مع تحيات المفتش ....
استاذ جمعاوي
اهلا وسهلا بحضرتك
وشكرا لاطرائك
بالنسبه للاجابه بئه لنتظر النتيجه ان شاء الله
اصلي نسيت اكتب جميع ماسبق
^_^
مستكه
يابنتى الله يرضى عليك
اطلعى على الماسنجر او اتصلى بيا اعيط
مين يعنى اللى هتعيط بسببك
ام البنات طبعا
انجزى وردى عليا وشوفى ايميلك وشوفى الياهو
أظن الاجابة الصح هى ..
الكنــــــــــــبة ..
صح كده ولا ايه ..
يارب اكون فزت يارب اكون فزت D:
نيجى بقى للموضوع ..
انا فعلا كنت بفكر فى الموضوع ده من فترة لما كنت بتفرج على البرنامج لانى بقى شهور مش بتفرج عليه ..
وكنت فعلا بتنقط من المذيع اللى كل شوية ضحك ومش عارفة مين قاله ايه فى سماعة الودان وفطسان من الضحك ويفعد الشيف هو قالك ايه وما تطلعيش من البرنامج غير انك تخمنى الوصفة ..
الحمد لله راح قناة تانية ..
طلعنا فى الشيفات فى منهم بيستفزنى بجد ويقعدوا يتكلموا كتير كده ..
فبقيت اتفرج على اللى برتاح لهم نفسيا وبستفاد منهم زى الشيف يسرى وميسو نبيل بحسهم محترمين ..
بس الله اعلم ايه دلوقتى لان بقى لى فترة ما بتفرجش ..
بس ما تنسيش الجايزة بقى يامستكتى ..
وياريت تكون عصارة ليمون D:
بحبك ..
إرسال تعليق