10:54 م

كل سنة وانا طيبة




السنة اللي فاتت كتبت البوست ده :





السنة دي مختلفة كتير عن السنة اللي فاتت بجد مش لاقية كلام




بس الاكيد انها مختلفه شكلا ومضمونا عن 2009


احب اعبر عن السنة دي بكلمات بلاك تيما ...




راح الصبر ورجع الصبر .... وتعب القلب ولسه كتير




اه يا تي شيرت العمر يا ابيض .... لفيت بيك مشاوير مشاوير




أملك صوره انا فيها صغير ... شكلى اتغير معرفتوش




كان فى جيوبى مكعب سكر .... داب السكر ملقتهوش




واما اتقطعت منى الساعه .... وقع الوقت لقتنى كبييير




اعرف واحد قال لواحد .... اهمل صاحبك واقسى عليه




واحد قال لواحد نفسه .... انت مزعل صاحبك ليه




واحد حاول يعرف واحد .... طلع الواحد صفر كبييييييييييييييييييييييييير


_____________________________________



السنة اللي مرت دي اكتشفت حاجات كتيرة اوي




وعرفت كتير




واكبر درس اتعلمته ... ان كل ما تعرف كل ما تزيد همومك كل ما تقل ثقتك في اي حاجه




هي اغمقت كده ليه !!




انا بهديني باقة ورد لان الورد اجمل حاجه في الدنيا



وادي تورتة عيد ميلادي ...



وبشكر ربنا علي اصحابي اللي انعم عليا بيهم

اللي اسعدوا قلبي بمكالماتهم او رسايلهم

كمان الحمد لله اني عرفت الصحاب اللي بجد من الصحاب اللي بتدعي الصداقه

الحمد لله علي نعمة الاهل

رسالة اخيرة لمستكة ياريت تراجعها السنة الجاية ان شاء الله .....

ياريت ترجعي مستكة بتاعة زمان *_*

8 التعليقات:

هبة النيـــــل يقول...

ايه دااااااااااا

انتي زيي شهر 3

شهر العباقرة يا بنتي :)))))

كل سنة وانتي طيبة يا مستكات عروس النيل :)

وفعلا على رأيك

كل ما تعرف أكتر كل ما تزيد همومك

مستكه يقول...

مش معقول دكتوره هبه عندي

حللتي اهلا ونزلتي سهلا

بجد منوراني يا دكتور

وكل سنه وحضرتك طيبه رربنا يبارك في عمرك يارب

أحمد .. لو مخانتنيش الذاكره يقول...

كل سنه و انتي طيبه .. و عقبال 100 سنه يا رب و ربنا يسعد ايامك و يحقق لك كل اللي تحبيه

أول زياره ليكي بس شدتني المدونه بجد .. فبعد اذنك هبقا ارخم و آجي تاني .. استحمليني بقا :)

و يا ريت تشرفيني انتي كمان هنا

http://ahmedabdulmohsin.blogspot.com/

كلمات من نور يقول...

مستكتنا الحبيبة

كل عام و أنتي إلى الله أقرب ولطاعته أدوم..اسال الله لكي عمرا مديدا في طاعته وتقواه ...تحياتي

ghorBty يقول...

مستكه

كل عام وانتِ بخير يا قمر

ربنا ييسر لك امرك وتكون سنة خير وسعاده عليك يارب

وعجبني اوووي

.. ان كل ما تعرف كل ما تزيد همومك كل ما تقل ثقتك في اي حاجه

تصدقي عندك حق

مستكه يقول...

الاستاذ احمد لو مخانتهوش الزاكرة ..

يشرفني يافندم مرورك الكريم بمدونتي المتواضعة

وياريت تكررها تاني

وكل سنة وحضرتك طيب ربنا يبارك في عمرك يارب

مستكه يقول...

كلمات من نور

ربنا يعزك ويبارك في عمرك يارب

منوراني دايما

اهلا بيكي في كل وقت

مستكه يقول...

غربتي

كل سنة وانتي طيبة يارب

والف الف مبروك عالخطوبة ربنا يباركلك ويتمم عليكي بخير

فيه مقولة بتقول :

كلما إذدادت ثقافة المرء ذاد همه

انا شايفاها صحيحة مليون المية