١٢:٠٧ ص

الحارة المصرية القديمة الجزء التاني

بسبب خطأهنزل الجزء التاني مرة تانية لانه اتحذف بالغلط *_*


من مظاهر الحاره القديمه :(تكمله )


1- الفتوة :

الفتوة هو لقب الرجال الذين سيطروا علي احياء القاهره حتي منتصف القرن الماضي .وكانت مهمتهم حماية اهل الحي من الاعتداءات ..فكان منهم من يفعل ذلك لوجهه الله واخرون كانوا يتلقوا إتاوات يدفعها اهل الحي بصفة دوريه .



-من اهم سمات الفتوة :

قوة القلب – قوة الساعد – المهارة في الاصابة – اتقان الضرب بالعصي – ذو شخصيه قويه ليحترمه الجميع ..

سلاح الفتوة اما النبوت او الشوم (ايه الفرق بينهم ؟)ولابد للفتوة معرفة اصول التحطيب وكيفية النزال بالعصا .

وكان كل فتوة شديد الاعتزاز بعصاه فمنهم من كان يطلق عليها الحاجه فاطمة او الحاجة بمبه كما كانوا يسقوها بالزيت ليشتد عودها وتزداد صلابه وكان بعضهم يزينها بالحناء.

وكان لكل فتوة مقهي شهير به يكون مقرا له بعد دوام عمله (معظم الفتوات كانوا حرفيين ) فكانت المقهي مركز اتصال الفتوة بالحي ومركز استقبال الضعفاء المستنجدين بالفتوة .

ومما هو جدير بالذكر الدور الكبير الذي لعبه الفتوات في مصر عام 1789م ايام الحمله الفرنسيه حيث تخاذل جنود المماليك عن الدفاع عن القاهره وكان من يحشد الاهالي للتصدي للفرنسيين هم الفتوات حيث حشدتهم المدافع الفرنسيه .

واحيانا كان يطلق علي الفتوات العصبجيه ... حيث ارتبطت ببعض احياء القاهره التي كانت شديدة التاثر بالتقلبات السياسيه والاقتصاديه منذ العصر المملوكي وكان امراء المماليك يستعينون بهم كحمايتهم واسموهم المشاريد والسجن لهم شرف وافتخار ولعل ذلك كان وراء التعبير المصري الدارج (السجن للجدعان )


-اما هذه الايام فان البلطجة قد حلت محل الفتونه ..

واصبح هناك ما يشبه سماسرة توريد البلطجيه للضرب او الهتاف او كومبارس لحضور المؤتمرات .

ومع زيادة نسبة البطالة وسوء الحاله الاقتصادية اتسع حجم الظاهره علي اعتبار ارباحها السريعه .. اذ يصل ما يتقاضاه البلطجي الي 500 جنيه فاكثر في يوم الانتخابات .

التكملة موجودة في البوست السابق

7 التعليقات:

salma mohamed يقول...

الشعب كله بقى بلطجيه يا روني,
بس البلطجه دلوقتي بقى مش للدفاع دي للهجوم (:
___
صحيح المثل بيقول بعد العيد ما ينفتلش كحك بس انا برضه هقولك كل سنه وانتِ طيبه,
سامحيني على التقصير في التعليق انا قرات اخر 3 مواضيع مره واحده,
وباين فعلا مجهودك وتجميعك للمعلومات.

مستكه يقول...

سلمي كل سنة وانتي طيبة يا جميل

مش متأخرة ولا حاجة

دا انا اللي شكرا علي تعليقك

فعلا انا الموضوع ده تعبت عليه وعملت بحث فيه اخد مني وقت ومجهود انا بحب التراث جدا

كان نفسي ناس كتير تقراه

بس الظاهر ان النوع ده من المواضيع مالوش شعبية

عموما هو هنا كنوع من التوثيق هنا بعتبرها كراكيبي اللي بحبها

بحط هنا مذكرات علي اكلات علي فضفضات علي مواضيع

سمك لبن تمر هندي بئه ^_^

اهلا بيكي دايما ياسلمي

مستكه يقول...

صحيح انتي قريتي الجزء التالت و الاخير ولا لا

هو في البوست اللي قبل ده بسبب غلطة كده

غريب يقول...

:(
(:
مدونة سرني التجول فيها
إدراج يأخذك للماضي
جملة هي تسميتهم للعصي (النبوت) الحجه بمبه و فاطمه :) بس الأجمل ان لا نتعرض للضرب بها أعاذنا الله و إياك من كل شر
أما البلطجه و أهلها فهذا زمنهم بتصريح رسمي من سقامة المتنفذين أعاذنا الله منهم و من كل شيطان
( اللهم آمين)

لك مني تحية وسلام

لجين أبو الدهب يقول...

ده الزمن بقى كله فتوات دلوقتى
ربنا يجيرنا من شرهم وفتونتهم ..

بس بحب الجو ده جدا بتاع الحارات القديم والشباك الشراع بقى والحاجات دى D:

جميل يامستكتى كملى ياجميل معاكِ ان شاء الله ..

مستكه يقول...

غريب

أسعدني مرور حضرتك الكريم
والحمد لله انه لسه في حد بيحب الحاجات القديمة والتراث ده

البوست ده انا تعبت فيه فعلا

اتمني تكون حضرتك قريت التلاث اجزاء عن الحارة كاملة

وتقولي ايه عجبك تاني غير الفتوات

وهل بحثي كامل ام اهملت بعض الجوانب كنت تحب تقرا عنها

ياريت لو عند حضرتك نقد هنتظر رايك

مستكه يقول...

لوجينة

وحشاني ياجميل فين اراضيكي دلوقتي !!

نورتيني جدا

شفتي جو المشربية والشلاملك والحرملك

نفسي اعيش في بيت من البيوت دي بس يكون معايا اللاب توب طبعا

هههههههههههه حديث علي قديم بئه

انا كده خلصت الموضوع يا لوجي بس هو كان حصل خطأ غير مقصود

فنزلت الجزء التاني بعد الجزء التالت

يعني نهاية الموضوع هتلاقيها في البوست اللي قبل ده