الموظفون في الارض
بصراحه مكنتش دايما بتعاطف معاهم
وكنت بشوف انهم بيقصروا في شغلهم واذا جاز التعبير بيستهبلوا
لكن نظرتي اتغيرت كتييييير عن الاول
متغيرتش للاحسن ولا للاوحش
بس الاكيد انها اتغيرت
وبما اني موظفه فالموضوع مينفعش يمر كده
ابداااااااااا
لازمن حتمن احكي رحلتي مع العذاب
قصدي مع الوظيفه
صلوا بينا عالنبي
اللهم صلي عليك يانبي
انا مكنش من طموحاتي ابدا اكون موظفه
وخصوووووووووووووووصا في التربيه والتعليم
بس ساعات بتحدفنا الاقدار علي حاجات منتوقعهاش
المهم
في يوم من الايام وانا اعده في امانة الله ولابيا ولا عليا
قالولي في مسابقه قدمي
وبصراحه كان عاجبني اجرب موضة المسابقات دي من باب التغيير وقدمت
وقالولي هنبقي نتصل بيكي
وانا لمدة اسبوع كنت عامله زي عبده مشتاق بنام والتلفون في حضني
وطبعا مرنش ولا رنة
ومر اسبوع في شهر في سنه ونسيت كل حاجه
لحد في يوم لقيت اتصال وحد بيقولي عايزينك في الادارة التعليمية بكره
بصراحه شكيت انها اشتغاله هو ينفع !!
قلت يابت مش مشكله ماهو يوم الحكومة بسنه
هروح ومش هخسر حاجه
رحلة العذاب والضنا ...
صحيت تاني يوم من النجمة الساعه 11 كده وجريت علي الادارة اشوف ايه الموضوع
وهناك رأيت مالاعين رأت ولا أذن سمعت ( كنت فاكره كده بس فيما بعد عرفت انه الطبيعي )
دخلت مكتب فيه ناس كتير وعرفت فيما بعد انهم مش زائرين دول العاملين في نفس ذات المكتب
والغريب ان كووووووولهم سيدات مفيش ولا راجل واحد فيهم
وانا راحه اصلا وناوية مش هشتغل اكتر من شهر دا لو اشتغلت كنوع من التجربه ليس اكتر
دخلت عليهم وبكل ألاطه سألت عن المطلوب
وكان المفروض اني اجيب امضاءات وموافقات واقرارات وحاجات غريبه كده كاني هشتغل رئيسة دولة مش في مدرسه
ووصفولي اخلص الورق منين والخطوات اللي هعملها
كنت فاكره انه نص ساعه وكل شيء ينتهي
معلش ياجماعه كنت لسه علي عمايا ومش عارفه حاجه
طبعا مخلصتش حاجه يومها عشان كان الوقت اتأخر فكان لازم افضل مطبقة اليوم ده عشان الساعه 8 صباحا انزل اكمل الورق
وكان يوم
اروح هناك يقولولي هنا اجي هنا يقولولي هناك
اخر دوخه , وصوري وامضي واختمي
واخييييرا خلصت او هكذا اعتقدت
لحد ما رجعت لمدام فلانة في الدور التالت وطلبت مني امضاء بالقلم الاخضر من ادارة تانيه بعيدة حوالي كيلو من المكان اللي انا فيه
طب ليه حضرتك مقلتليش ماانا كنت هناك من شويه
وانا اعرف منين انك متعرفيش
ليه هو حد قال لحضرتك اني اشتغلت وزيرة قبل كده
( وكان نفسي اخنئها واخلص منها البشرية )
ورجعت تاني ومضيت باللون الاخضر ورجعتلها قالتلي هاتي منها بئه نسخه
اه يابنت اللذين
ما انا كنت تحت مقلتيش ليه لسه هنزل مشوار عشان التصوير
امرنا لله
طبعا غير الطوابع والقص واللزق اللي مالوش اي لازمة
وفي الاخر قالتلي دلوقتي بئه هتروحي الاداره يوزعوكي
بصراحه وانا ماشيه كان نفسي افجرها
ورحت الاداره ( لازم في مره هحكيلكم شكل المكاتب هناك ازاي )
انا ساكنة في شارع بين شارعين كل واحد فيهم فيه مدرسه كنت مسستمة نفسي علي واحده فيهم
علي اساس اني هختار المدرسه اللي هروحها ( مش بقولكم كنت علي نياتي اوييييييييييييييي)
ولما جيت اتوزع قالولي هتستلمي في مدرسة (......)
والمفاجئه ان مدرسة (.....) مش في المدينة اللي انا انا فيها اصلا
طب ليه اشتغل بعييييييييييييييييييييييييد لما ممكن اكون قريب
لا هو كده ومفيش غير كده
اوك اجررررررررررب
وتوكلت علي الله وعزمت
تابعوني في البوست الجاي في الحلقه التانيه من يوميات سنة اولي وظيفة
٨:٣٢ م
١٢:٤٦ ص
السلام عليكم ورحمة الله وبركاته
البوست ده تهنئه بمناسبة زواج صديقتي وحبيبتي
علي د/ محمد سرحان النقشبندي
اجمل باقة ورد
الف مبروك
ربنا يسعدكم وريوفقكم في حياتكم الجديده يارب
ويرزقكم الذرية الصالحه ان شاء الله
١٠:٥٤ م
السنة اللي فاتت كتبت البوست ده :
السنة دي مختلفة كتير عن السنة اللي فاتت بجد مش لاقية كلام
بس الاكيد انها مختلفه شكلا ومضمونا عن 2009
احب اعبر عن السنة دي بكلمات بلاك تيما ...
راح الصبر ورجع الصبر .... وتعب القلب ولسه كتير
اه يا تي شيرت العمر يا ابيض .... لفيت بيك مشاوير مشاوير
أملك صوره انا فيها صغير ... شكلى اتغير معرفتوش
كان فى جيوبى مكعب سكر .... داب السكر ملقتهوش
واما اتقطعت منى الساعه .... وقع الوقت لقتنى كبييير
اعرف واحد قال لواحد .... اهمل صاحبك واقسى عليه
واحد قال لواحد نفسه .... انت مزعل صاحبك ليه
واحد حاول يعرف واحد .... طلع الواحد صفر كبييييييييييييييييييييييييير
_____________________________________
السنة اللي مرت دي اكتشفت حاجات كتيرة اوي
وعرفت كتير
واكبر درس اتعلمته ... ان كل ما تعرف كل ما تزيد همومك كل ما تقل ثقتك في اي حاجه
هي اغمقت كده ليه !!
انا بهديني باقة ورد لان الورد اجمل حاجه في الدنيا
وادي تورتة عيد ميلادي ...
وبشكر ربنا علي اصحابي اللي انعم عليا بيهم
اللي اسعدوا قلبي بمكالماتهم او رسايلهم
كمان الحمد لله اني عرفت الصحاب اللي بجد من الصحاب اللي بتدعي الصداقه
الحمد لله علي نعمة الاهل
رسالة اخيرة لمستكة ياريت تراجعها السنة الجاية ان شاء الله .....
ياريت ترجعي مستكة بتاعة زمان *_*
٢:١٩ ص
طبعا موضوع العولمة ده قتل نقاشا ولكن المؤسف في الموضوع ان الكثير الي الان غير ملم بأبعاد الموضوع وخطورته
يمكن بسبب استخدام الكتاب والمفكرين مصطلحات معقده بعض الشيء
ويمكن لانبهار الاجيال الجديده بالثقافه الوارده والفرق الحضاري الشاسع بين ثقافتين او حضارتين
فضلت نتكلم في المقال ده عن العولمة والهويه الثقافيه بشكل بسيط وسهل ونلقي الضوء علي خطورة الموقف ان لم نتنبه لذلك
وقبل الخوض في اي حديث يجب ان نعرف اشياء ثلاث اساسيه وهي :
معني العولمة
ماهي الهوية
وتعريف الثقافه
ومن ثم الربط بينهم ومعرفة طبيعة العلاقة بينهم
العولمة :
هناك العديد والعديد من المفاهيم للعولمة كل مجال من وجهة نظره هناك مفهوم من الوجهه الساسيه والاجتماعيه والثقافيه والاقتصاديه ...الخ
لكن يمكن تعريفها بشكل بسيط جدا بانها :
" هي مجموعة التطورات والمستجدات التي تهدف بقصد او بدون قصد لدمج سكان العالم في مجتمع عالمي واحد "
الهوية :
"هي مجموعة السمات المميزة للشيء والتي تجعله هو هو بحيث يمكن تميزه عن غيره من الاشياء "
الثقافه :
"هي ذلك الكل المركب الذي توصل اليه الانسان بيده او بعقله في ماضيه او حاضره "
الهوية الثقافية :
"هي مجموع السمات المميزة للأمة مما يحفظ لها شخصيتها عبر العصور "
ومن التوضيح السابق نجد ان الهوية تعني التميز والذي عكسه التنميط والقولبه
والهوية الثقافيه لاي مجتمع هي التي تميزه عن غيره من المجتمعات وتحفظ شخصيته مثل لغته وتاريخه وعاداته وتقاليده وقيمه الاجتماعيه والدينيه وثقافته ....الخ
واي ثقافه لها محتوي يتكون من ثلاث :
1- عموميات : وهي مايشترك فيها جميع افراد المجتمع مثل اللغه والعادات والتقاليد .. الخ وهذه العموميات هي الاساس العام لثقافة اي مجتمع
2- خصوصيات : وهي يشترك فيها مجموعه معينه من افراد المجتمع دون غيرهم وهي نوعان :
أ- خصوصيات مهنية : وهي يستلزم لممارستها مهارات فنية خاصه دون اعتبار لاصحاب هذه المهارات , لان فئات الناس هنا متغيرة مثل ممارسي الطب والهندسه و غيرها
ب- خصوصيات طبقية : وهي توجد بين ابناء الطبقة الواحدة , وغالبا يصعب الانتقال بينها نظرا لتحكم صفة الطبقية في المجتمعات
3- متغيرات : هي عناصر ثقافيه لاتنتمي للعموميات ولا الخصوصيات هي حديثه اما لانها مبتكرة نتيجة الظروف او انها نتيجة غزو ثقافي او نتيجة اتصال بين ثقافتين .
ويتحكم في مدي بقائها دقة قيامها بوظائفها ومدي كفائتها في دورها , وهي تظل متغيرات حتي تستقر وتصبح اما من العموميات او الخصوصيات .
طب كل الكلام اللي فات ده جميل فين المشكله !!
المشكله هنا في مواجهة الهوية الثقافيه للعولمة وخصوصا في الدول الفقيرة والناميه والتي ننتمي اليها
لانه مستحيل اتحاد الهويات القومية لعمل هوية عالمية , والصعوبة هنا تكمن في التناقضات الكبيرة بين هوية كل قومية وغيرها
وبالتالي ينتج عن العولمة وانفتاح الثقافات علي بعضها ثلاث احتمالات :
الاول : التصادم والصراع :
اي صراع الهوية القومية ضد العولمة في تثبيتها وعدم طغيان الثقافات الاخري عليها وخصوصا التي تمتلك تراثا ثقافيا تضرب جذوره في اعماق التاريخ .
الثاني : الاكتساح والانسحاق :
ويقصد به تفكك وضياع الهوية الثقافية للدولة الاضعف امام المد العولمي الشديد , حيث انها صورة من صور هيمنة الاقوي علي الاضعف ومن هنا ظهرت "التفتتية الثقافية " والتي من مظاهرها :
- الغزو الثقافي لاذابة الثقافات الاخري
- الاتفاقات الدولية المجحفة للدول النامية ولمصلحة الدول الكبري مثل اتفاقية الجات مثلا
- الشركات العملاقة عابرة القارات وسيطرتها الاقتصادية
- التحكم في البث الاعلامي والاقمار الصناعية
ووهذا علي سبيل المثال لا الحصر
الثالث: الحوار والتفاعل :
حيث تقبل كل طرف للاخر مما يؤدي لوجود نوع من التفاعل وتسمي هذه الحالة بـ " العولمة الديموقراطية"
ولتحقيق هذا الاحتمال يجب ايجاد نظام عالمي اكثر عدلا يكون العالم الثالث طرف مشارك فيه
وبالطبع الاحتمال الثاني هو الاكثر واقعية وحدوث
بمعني ان الواقع الحادث الان هو طمس لثقافتنا بشكل مقصود او غير مقصود
اي مجتمع اذا طمست هويته اصبح بلا مضمون بلاشكل بلا اي تميز بلا ثقافة خاصة به
ويمكن بكل سهولة ان نلاحظ مظاهر هيمنة الثقافة الغربية بما انها الاقوي ( وخصوصا الثقافة الامريكية ) من خلال وسائل الاعلام وخصوصا الاعلانات التي تبث افكار غريبة علي المجتمعات العربية والاسلامية وتقبلها بمنتهي السهولة بداعي التحضر والتقدم
فالتقدم الذي يسعي اليه تقدم ظاهري دون اي مضمون ايجابي .
*فمن مخاطر العولمة التي يجب ان نضعها امامنا ونعيها تماما :
- تراجع اللغة العربية في مقابل اللغات الاخري . ومن اكبر اسباب تراجعها ان اللغه الاساسية لاستخدام الانترنت هي اللغه الانجليزية واستخدام اغلب الشباب العربي هذه الخدمة باللغة الانجليزية دون العربية اضافة الي ذلك انتشار مدارس اللغات والاعلانات التي تعتمد علي اللغه الانجليزية حتي التعليم العملي في الجامعات يعتمد علي اللغه الانجليزية وليس العربية
وكل هذه المظاهر ادت الي النظرة الدونية للغة العربية وانتقاص قيمتها ليس في المجتمعات الغربية بل في المجتمعات العربية نفسها !!
- زيادة الشعور بالاغتراب . حيث يعيش ابناء المجتمع ثقافتين متعارضتين في وقت واحد مما يؤدي لاغتراب ثقافي ناتج عن " استعمار للفكر والوجدان " وهذا له اثاره السلبية مثل تشويه العقيدة والتذمر والفوضي والاحساس بالدونية .
- إضعاف الانتماء الوطني . حيث يري الكل الدولة العظمي الاقوي سياسيا وثقافيا وحضاريا واقتصاديا حتي اصبحت هي الحلم الذي يسعي اليه الجميع حتي اصبحت العولمة هي الأمركة فرأينا الكثير من الشباب يرتدون العلم الامريكي علي الملابس واغطية الراس , وانتشار ثقافة الوجبات السريعة خصوصا لشركات امريكة حتي سميت هذه الظاهرة بالكنتكة والكوكلة والجكسنة (نسبة لمايكل جاكسون )
كما ان العولمة نجحت في التغلب علي سيادة الدوله عن طريق الشركات عابرة القارات وفرض ارادتها التي قد تعلي علي ارادة الدولة نفسها وساعد في ذلك دخول رجال الاعمال ودفاعهم عن مصالحهم الفردية بصرف النظر عن مصالح المجتمع نفسه .
- تنامي العنف والتطرف وتهديد امن المجتمع . وذلك عن طريق :
*صناعة الفيديو والسينما والبرامج الالكترونية وخاصة التسلية منها
*تحويل النت من وسيلة اتصال الي اداة للجريمة علي يد بعض المحترفين
*تطور التكنولوجيا وبالتالي توفير العمالة وزيادة البطالة والعنف والتطرف
- تنمية النزعة الاستهلاكية وشراء السلع . وتستخدمها الدول الكبري للقضاء علي القدرة الانتاجية للدول النامية ويتضح ذلك جليا في سلوك الافراد في شراء سلع ليس لها اهمية ولا استخدام , ونتج عن ذلك الرغبة في الربح السريح بأقل مجهود والتهرب الضريبي والغش والنصب .
- التسطيح الفكري والقضاء علي الابداع . حيث تعمل العولمة علي التنميط وهي كارثة فنجد التكنولوجيا تعمل علي توفير السلع المادية والقافية جاهزة مما يؤدي لتعطيل العقل عن الابداع وتحويله لعقل مجرد يعتمد علي التلقين .
- تزايد حدة الفروق الطبقية . حيث الفوارق الكبيرة فظهرت المجتمعات المنتجة والمهمشه , الانسان السوبر والمسترخص , الغني الفاحش والفقير المدقع . ولاشك ان تزايد حدة هذه الفوارق تهدد الامن الاجتماعي .
- الترويج لانماط معينة الاجتماعية والاسرية والجنسية . حيث تسعي العولمة بفرض قيم علي انها قيم عالمية , فهي تسعي الي تهميش الثقافات المحلية والقضاء عليها من خلال عمليات التجنيس الثقافي .
بالفعل نحن في ازمة ان لم نعي جيدا ونحاول التمسك بثقافتنا مع التطلع الي الحداثه في نفس الوقت لنواكب التطورات فالعالم يشهد سهولة انسياب المواد الاتصالية والمعرفية بشكل لا يعرف حدود او حواجز وانتهي عهد استقلال نظم المعلومات عن نظم الاتصال .
ولمواجة الموقف يجب التأكيد علي الهوية العربية الاسلامية مع الانفتاح علي الثقافات الاخري بحيث تكون علاقه تبادليه او الند بالند ( خد وهات مش هات وهات بس ) ولن يحدث هذا الا بشعورنا بأهمية حضارتنا وتاريخنا وثقافتنا وان عوامل الضعف اللي بتمر بها الان بسبب اهمالنا لها
فبتمسكنا بدينا وقوميتنا وعاداتنا الصحيحه ( ونركز علي الصحيحة جدا ) وإلغاء العادات الخاطئة والتعصب الاعمي والاستفادة من كل جديد بما يتماشي مع تقاليدنا واسلامنا .
والابتعاد عن الهلث وراء كل ما يصدر عن الغرب سواء كان مناسب او غير مناسب لمجرد انه وارد بلاد التقدم
لابد ان تحدث العولمة في مضمون لان غير ذلك هو صورة من صورة الاستعمار الاكيد ..
١:٤٢ ص
ماهو الموت ؟!
هل هو الرحيل الي العالم الاخر !!
فالعديد ممن عرفناهم ورحلوا عن عالمنا مازالوا يعيشون بداخلنا
وزكراهم خالدة داخل النفس والوجدان .
اذن ماهو الموت
هل الحي الميت يدخل في عداد الاموات !!
هناك الحي ميت الضمير
وهناك الحي ميت المشاعر
والحي ميت الانسانيه
والحي بلا زاكرة
والحي بلا دين
والحي بلا بصيرة
والحي بلا قلب
وهناك الحي بكل ماسبق معا
السؤال هنا ...
هل يعتبر ذلك الحي حياُ!!
في انتظار الاجابه
رسالة :
الي كل من اعرفهم و رحلوا عن عالمي ..
لم انساكم ابدا , فأنتم نقوش حفرت في الزاكرة
سامحوني ان كان هناك تقصير
اعياني كثرة الفراق فلم اعد اتحمله
اشتاق لرؤياكم جميعا
ادعو الله لكم بالعفو والمغفرة
١:٤١ ص
كان يامكان كان فيه بلد كده هناك فرحانة بنفسها وبتغني لنفسها والشعب مصدق وبيغني معاها
ويوم ورا يوم الشعب اتفرط
واتشحطط
واتفرق
واتقرف واتمرمط
بس البلد لسه بتغني بالسيادة والكرامة
ويوم ورا يوم
الشعب انكوي من الغلا
والضرايب والغش والبلا
غير الحوادث والكوارث
ايشي اتحرق واللي غرق واللي اتهدم
لكن علي مين الوطن فوق الجميع هنغني برضه للبلد
اصل الاغاني لسه ممكنه
ويوم ورايوم
ضاع العلام
ضاع الكرامة وضاع الولد
مالاخر ضاع الكلام
مبقاش فيه غير الخرس
وشوية جهل وهبل
ويوم ورا يوم مفيش
غير الرقص والتطبيل
وفجاه الرقاصه بئت مثقفه
والممثل اصبح سياسي
والعدو لقيناه حبيب
والصديق اصبح قاتل
والضعيف طلع ذئب
ولما دولا موتوا ديكهما
عملوا نفسهم مش واخدين بالهم
وفي الاخر قالوا غلطة مش مقصودة
بس لما دولاهما موتوا ديكهو
قامت الدنيا وشعارات بالكرامة والسيادة والعظامة والفخامة
مع ان ديكهما مضروبين بالجزمة من زمان من كوووووولهما
الله
واما هو لسه فيه كرامة وسيادة
فين حقنا ماللي حصل هناك لما انضربوا وعيطوا زي البنات
هو لو لسه فيه بصحيح
يصرفوا تعويض 100 جنيه عاللي حصل في رشيد !!
واللي محروقين عليه وبيستغلوا حادثته الشهيد تعويضه 5000 جنيه وتم التنويه عنه باعلان مش اقل من 30 الف جنيه !!
طب هو فين مدعوء اسماعيل
ونواب القروض
انت بتقول نواب !
ده موال تاني
تزوير انتخابات ومصاريف بالملايين وفي الاخر
ضرب وشتيمة وقلة قيمة عالهوا واللي مايشتري يتفرج
انت بتقول يتفرج
اتفرجت علي احتجاج شارع الهرم
لما اتلموا عند الزعيم المحترم
ايشي بتمثل وايشي بيرقص واللي بيغني
بس في النهاية كله تمثيل محترم
ماهي كده
بلد فيها كل ماتقلع تُحترم
واه لو لبست واتغطيت
هتتقلب ارهابي وتتنفي
اه انتو فاكرينها لعبه
فيه امن وامان مش كوسه هي ولابتنجان
كوسه بتقولوا كوسه
فكرتوني
دي فوضي
دي مشكله
اهي دي الكارثه المعضلة
بس لا علي مين
مش هنسكت مش هنطاطي
مش بنخاف مالصوت العالي
هنعتصم
هنحتج وهنثور
كفايانا سكوت
لازم ناخد موقف ويكون قاطع مانع بات
ازاي يمنعوا عنا عرض الماتشات !!!!!!!!!
١٢:٣٣ ص
اعتدائات غزة
– ضرب بوش بالجزمة
– سفر بعثات طبية لغزة
- اوباما رئيسا للولايات المتحدة
- احداث القمع في ايران
- ظهور انفلونزا الخنازير
– الانهيار الصخري في الدويقة
– حادث قطار العياط واستقالة وزير النقل محمد لطفي
– سلسلة حوادث القتل ( بنت ليلي غفران ,احالة هشام طلعت والسكري للمفتي , الطفلين شهد وزياد ، ...الخ )
– ازالة منازل عزبة الهجانة
– مذبحة جديدة ببني مزار
- احداث مصر والجزائر
– اتهام مصر بالعمالة في احداث غزة
– منع اقامة الموالد
– مقاطعة اردوغان للمنتدي الاقتصادي بدافوس غضبا لغزة
– استبعاد عمرو خالد
– الازمة الاقتصادية
– الهجوم علي النقاب
– الشهيدة مروة الشربيني
– وفاة مايكل جاكسون
– القرصنة الصومالية و شجاعة الصيادين المصريين
– سيول جدة المدمرة
– الافراج عن ايمن نور
– تفجيرات الحسين
– اختيار الاسكندرية عاصمة السياحة العربية لعام 2010
–القدس عاصمة الثقافة العربية 2009
ترشيح البرادعي للرياسه
– الضرائب العقارية
- انتخابات مكتب الارشاد للاخوان
– زيارة اوباما لجامعة القاهرة
– حصول اوباما علي نوبل للسلام
– ظهور الايام الداميه في العراق ( الاربعاء الدامي – الثلاثاء الدامي – الاثنين الدامي )
– فضيحة عباس بعد تقرير جولدستون
- انتخاب الزعيم الليبي معمر القذافي رئيسا للاتحاد الأفريقي،
- الفيلم الهندي «مليونير العشوائيات» يحصد ثماني جوائز أوسكار من أصل عشر ترشيحات منها أفضل صورة وأفضل مخرج.
- المحكمة الجنائية الدولية في لاهاي تصدر مذكرة اعتقال بحق الرئيس السوداني عمر البشير وتتهمه بارتكاب جرائم
حرب.
- كوريا الشمالية تجري تجربة نووية ثانية تحت الارض.
- اندلاع اضطرابات مميتة في مدينة أورومبي بين طائفة الإيغور وطائفة الهان الصينية، ومقتل 197 شخصا على الاقل
- الافراج عن الليبي عبد الباسط المقرحي المدان في قضية لوكربي من سجنه في اسكتلندا لاسباب صحية.
- مايكروسوفت» تدشّ.ن نسخة نظام التشغيل (ويندوز 7 ) لتخلف نسخة «فيستا»، التي لم تحظ برواج كبير.
- محكمة الامم المتحدة الخاصة بمجرمي الحرب في يوغوسلافيا تبدأ محاكمة زعيم صرب البوسنة السابق، رادوفان كرادزيتش.
- الرئيس التونسي زين العابدين بن علي (73 عاما) يفوز بفترة رئاسية خامسة.
- عودة الاطباء المصريين المعتقلين بالمملكة العربية السعودية
– ظهور شخصية سيد ابو حفيظة
- إشهار إفلاس شركة جنرال موتورز التي حملت لمدة 77 عاما على التوالي لقب أول منتج عالمي للسيارات من حيث
حجم المبيعات قبل أن تتفوق عليها العام الماضي اليابانية تويوتا
- سلطات إمارة دبي تعلن عزمها على طلب تأجيل ديون مجموعة دبي العالمية لستة أشهر .
- تجاوز موقع التواصل الاجتماعي “فيسبوك” حد ال 350 مليون مشترك والذي لا يتوقف عن النمو، على جميع منافسيه بما فيهم تويتر .
- وفاة الفنان والمؤلف الموسيقي اللبناني منصور الرحباني 84 عاما
- وفاة الرئيس السوداني الاسبق جعفر النميري 79 عاما-
- وفاة رئيس جبهة العمل الإسلامي في لبنان الداعية فتحي ييكن 76 عاما
- وفاة وزير الحربية المصري الاسبق والكاتب والمفكر امين هويدي 88 عاما
– وفاة الأميرة فريال (71 عاما)، كبرى بنات الملك الراحل فاروق .
- وفاة المفكر والعالم الدكتور مصطفي محمود
الاشتراك في:
الرسائل (Atom)
المشاركات
