قبل الخطوبة .. تعالوا نتكلم

الي كل المقبلين علي الخطبة تعالو نتكلم سوا

فيه اداب المفروض نراعيها اثناء اختيار شريك العمر

واخطاء كتير بنقع فيها بدون قصد ممكن تسبب حرج او جرح الاخرين

طيب زي ايه يا مستكة ؟

اقولكم انا

في الاول هوجه كلامي للشباب ( لان الشباب فرص الاختيار اودامهم بتكون اوسع من البنات )

فيه نوعين من الشباب :

- نوع يسعي لشريكة العمر بنفسه وبدون وسيط

- ونوع تاني يلجأ للوسيط سواء كان الوسيط ده الام او الاخت او صديق او حتي الخاطبة

النوع الاول : بيعتمد علي نفسه لان محدش عارف هو عايز ايه غيره , بس احيانا ممكن يتسرع في الاختيار

اما انه بيختار غلط نتيجة عدم الخبرة , او انه بيختار صح بس الاهل بتعترض علي الاختيار ده لذلك انا برجو كل شاب بيحاول يوصل للبنت اللي عايز يرتبط بيها احساسه ويعرف رأيها , قبل ما يقرب ويلمح

يفكر كويس هي مناسبه ليه بظروفها ولا لأ؟

ولو مناسبه ممكن اهله يعترضوا عليها ولا هيوافقو ؟

ولو اعترضوا هو ممكن ياثر عليهم ولا لا ؟

عشان ساعتها هيخسروا كتير في الموضوع

النوع التاني : وده اللي بيلجأ لوسيط في اختيار او ترشيح شريكة حياته ,

والنوع ده برجوه يكون واضح في طلباته وتكون محدده وصريحة , ده حقه ومحدش يقدر يناقشه فيه لان محدش هيعيش حياته .

شوف انت تتمني ايه في الانسانه اللي تحب تكمل حياتك معاها ..

مواصفاتها الشكليه (حقه ومحدش يقول الجمال جمال الروح دي مش قاعده عند كل الناس )

تعليمها - ثقافتها - نسبة التزامها - عملها - ....الخ

وده هيوفر كتير علي الوسيط انه يرشح حد قريب من المواصفات دي

وطبعا مش هتلاقي كل حاجه في شخص واحد يعني هيكون فيه شوية تنازلات بس فيه حاجات ممكن تتنازل عنها بيعوضها حاجات تانيه وفيه حاجات مينفعش التنازل عنها

وبقول تكون محدد في طلباتك عشان مش تقول عايز عروسه وبس , ولما الوسيط يكلم بنات الناس ويوصل بينهم مترجعش تقول لا انا كنت عايز كذا وكذا

علي فكرة انا مش بتكلم في مسألة القبول لان دي حاجة مفروغ منها ومينفعش نتكلم فيها .

* بالنسبه للرؤية الشرعيه :

- ياريت تكون في قمة شياكتك واناقتك لان الانطباع الاول بيكون له عامل كبير

-لو هتزوروا الناس في بيتهم يكون جميل جدا لو اخدتم معاكم حاجة بسيطه وانتو داخلين عليهم دي حاجة زوقيه , ناس بتفكر البنات اللي بتعلق علي النقطة دي انهم ماديين او حاجه بالعكس انت لو اخدت معاك جاتوه او شيكولاته او اي شيء دي حاجه تدل علي الزوق والكرم وبتعبر عن شخصيتك في الاول والاخر .

وفيه ناس تفضل انها تشوف البنت بره البيت مع حد من محارمها عشان الاحراج و اول مره يشوفها واحتمال ميحصلش توفيق . لوكده حاول انت اللي تطلب المشروبات وتحاسب عليها زوقيا برضه

- وياريت لو محستش بقبول مالوش لزوم تطول في الجلسه ممكن تستاذن باي حجة , مش تعد معاهم تلات ساعات وتمشي بالعافيه وفي الاخر تقول مفيش نصيب .

واهم حاجة لو حسيت انه مفيش قبول قبل او بعد الاستخارة متقلش سبب عدم الارتياح ( دمها واقف - رغاية - طوبة مابتنطقش- طويلة - قصيرة ...الخ ) ياريت تحتفظ بالاسباب لنفسك واكتفي بس بكلمة مفيش نصيب عشان حاجة زي دي بتتعب البنت جدا .

بالنسبه للبنات :

- نفس الشيء فيه بنات شايفه ان جواز الصالونات ده عفي عليه الزمن وانها لازم تختار شريك حياتها وتكون عارفاه قبل مايدخل البيت .

اهم حاجة هنا لازم تاخد بالها كويس من اختيارها ومش تختار بعواطفها بس لازم تشرك عقلها في الموضوع , عشان متتعلقش بقصة ممكن جدا تنتهي برفض الاهل او عدم مناسبة ظروف كلا الطرفين , واكيد ده بيكون حاجة صعبة عليها .

- وفيه البنات اللي بتقبل بجواز الصالونات وترشيحات الاهل .

الرؤية الشرعية :

بتكون سبب في قلق وتوتر كبير للبنت لذلك بنصحها

- خليكي واثقه من نفسك

- متحوليش تكوني غير نفسك , لا تدعي الهدوء في حين انك متكلمة ولا تدعي التكلم وانتي هادية خليكي طبيعية جدا لان احيانا التصنع بيزيد الوضع سوء .

- اهتمي بمظهرك وخليكي في ابهي صورك لان الانطباع الاول له اثر كبير .

- بلاش ميك اب اوفر ,عشان الشاب اللي جاي يشوفك ده من حقه يشوفك علي طبيعتك مش لينسيز ورموش ...الخ

وبرضه مش بقولك تهملي ماهو الراجل مش جاي يقابل واحد صاحبه , يعني حطي حاجه بسيطة خالص عشان لو حبايه كده تداريها او في ارهاق تحت العيون حاجة مجرد انها تداري عيب في البشره مؤقت مش تخدع اللي جاي يشوفك .

نفس الشيء بالنسبه للملابس يعني بلاش ملابس فيها تكلف . خليكي بسيطة ورقيقه الرقه من طبع البنات .

- لما تشوفي الشاب اللي متقدملك بلاش تتسرعي في القرار بالرفض او القبول تأني واستخيري واعرفي كويس ان مش كل حاجه بنتمناها بنلاقيها , واعرفي برضه انه الشاب اللي لسه في بداية حياته دخله مش زي بابا اللي بقاله تلاتين سنه بيشتغل .

- وبلاش تبصي لبنت عمك وخالك كل واحده وبيكون لها نصيبها .

- واوعي تحكمي علي انسان من خلال شكله بس , اهم حاجه الاخلاق والشخصيه .

وطبعا القبول اهم حاجه .. ولو محستيش بقبول بلاش ترددي العيوب اللي قررتي من خلالها الرفض إكتفي بانه مفيش نصيب عشان متجرحيش الطرف التاني .

وفيه سؤال مهم جدا لازم كل واحد وواحده يجاوب عليه قبل الخطوة دي

انت عايز شريك حياتك شبهك ولا يكملك ؟!!

لازم يكون كل واحد عارف هو عايز ايه بالظبط

وربنا يوفق البنات والشباب يارب

في انتظار رأيكم

يعني ايه كلمة وطن ؟!

http://www.youtube.com/watch?v=3HihL4C1_DA

يعني ايه كلمة وطن ..

يعني ارض حدود مكان

و لا حالة م الشجن

ولا ايه ولا ايه ولا ايه

شاي بالحليب على قهوة في الضاهر

هناك نسمة عصاري السيدة و دير الملاك

يعني ايه كلمة وطن ..

نشع الرطوبة في الجدار

ولا شمس مغرقة برد النهار

و لا امك و لا اختك

و لا عساكر دفعتك و الرملة نار

يعني ايه كلمة وطن

يعني ريحة يعني صوت

ايام بتشبه بعضها وسنين تفوت

و اما نسافر و الحدود يفصل ما بينها الف ميل

بنسيب سنين الحب و العمر الجميل

ولا ايه ؟

ولا بناخد كل دول

هزة فرح او غيم هموم

و احنا بنحلم بالوصول

حتى في عرقنا في الهدوم

بتهزنا حالة شجن

هو ده معنى الوطن ...

انفلونزا يافايزة

دراسة يا دراسة بأي حال عدتِ يا دراسة

بدأ العام الدراسي الجديد وكله مخاوف وقلق وحذر

بسبب وباء انفلونزا الخنازير (H1N1)

بصراحة المخاوف في محلها ويجب ان تزيد كمان

فمن خلال التجربة السابقه لانفلونزا الطيور وتوطن المرض في مصر

يجب ان نهلع من انفلونزا الخنازير لعدة اسباب اهمها :

- طبيعة الفيرس المختلفه عن انفلونزا الطيور وسرعة انتشاره

- طبيعة الحكومة في ادارة الازماات (ريما وعادتها القديمه )

- عدم الوعي علي الرغم من الحملات الصحية المنتشرة

- طبيعة المواصلات عندنا وما ادراك ما المواصلات

صحيح العام الدراسي بدأ والمخاوف بدأت إلا إن الأسوأ لم يأتي بعد ....

من خلال مشاهداتي لإستعدادات وزارة التعليم والصحة ومتابعة الكاميرات لاول يوم دراسة لاحظت التالي :

1-الاهتمام كله توجه للمدارس واستعدادتها وتم التجاهل التاااام لوسائل النقل والمواصلات اللي نسبة التزاحم فيها قادرة تماما علي نشر الوباء في جمهورية مصر العربية في نص ساعة بس ^_^

2- ان فيه مدراس التزمت جدا بالتعاليم والارشادات الوقائيه

3- فيه مدارس التزمت ولكن بشكل اعلامي اكتر منه وقائي ( زي المدرسه اللي زارها مسؤل واتصورت وكانت ميه ميه بس اول دورين بس انما الدور التالت والرابع متكنسوش حتي )

4- ان المفروض ان الوزارة وفرت ادوات نظافه وتعقيم وموصلتش لكتير من المدارس ( راحت فين !!!)

5- ان الاهالي دايما متزمرين ومش بيعجبهم العجب

وبصراحة دي نقطة لازم نقف عندها شوية كتير ...

ا- شفت ناس معترضه علي تقسيم اليوم الدراسي صباحي ومسائي بحجة انهم في الشغل وهيودوا الاولاد فين !!

ب- وناس تانيه معترضه علي نظام التلات ايام وان الاولاد هينسوا اللي اخدوه في المدرسه في الايام اللي هيعدوها !

ج- وناس تانيه معترضه ان الاولاد هيجيبوا ادوات النظافه من معاهم او انهم هينضفوا المدرسة .

في رايي الشخصي بصرف النظر عن اداء الحكومة في التعامل مع الازمة الا ان دور المواطنين فعلا سلبي ومخيب للامل ليه ؟؟

اولا الناس اللي معترضه عن تقسيم الايام واختلاف اوقات الدراسه وكل واحد بيدور علي ظروفه هو ياجماعة احنا في أزمة يعني لازم نتصرف واللي عنده مشكله في المواعيد يشوف مدرسه ملائمة لظروفه او الاولاد ياخدوا السنه دي منازل , مش مشكله نهائي وبلاش نضحك علي نفسنا ونقول انهم لو مش حضروا مش هيفهموا والكلام ده لان انهارده محدش مش بياخد دروس

ثانيا : ايه يعني اما كل تلميذ ياخد في شنطته صابونه ومطهر علي ما المدرسه يجيلها او ميجلهاش ونبقي نعمل استجواب في الموضوع ده بعدين بس نمشي امورنا الاول

ثالثا : ليه معترضين ان الولاد ينضفوا فصولهم ! ليه هو مين اللي رمي الزباله مش هما ؟

علي الاقل يتعودوا علي سلوك حضاري ويتعلموا ان النضافه من الايمان وان مش عيب انهم ينضفوا مكانهم

انا عن نفسي اللي بنضف مكتبي وده مش عيب ابدا ولا ينقص من برستيجي لاني لو انتظرت العامل عمر المكان ما هينضف غير ان المدارس فيها فعلا نقص عماله ( مش بدافع عنهم بس اهو حل مؤقت وايد علي ايد تساعد )

ومش بقول برضه ان الاولاد يشتغلوا عمال نظافه وينضفوا الحمامات ويتردموا تراب من الكنس لا يعني نضافه في حدود المعقول

ياجماعة والله دي ازمة

فيه وبااااء

كلمة وباء دي مش سهلة ولا بسيطة ولسه شهور الشتا جايه والله اعلم ايه اللي هيحصل فيها

ربنا يستر علينا كلنا ويحمينا من الامراض

دي كانت ملاحظاتي علي الاستعدادات في المدارس

المره الجايه ان شاء الله نتكلم عن الجامعات واللي جاري فيها

وربنا يستر

البراونيز

المقادير ...

- 2كوب سكر
- 2كوب حليب

-4ملاعق كاكاو ( غامق او فاتح حسب الرغبة )

- زيت حسب قوام الخليط ( تقريبا 2 كوب زيت )

- 3بيضه

-1 باكو بودر

-1كوب دقيق

- فانيليا

الطريقة ...

يوضع السكر +الحليب +الكاكاو بالخلاط ويضرب حتي يمتزج الخليط

ثم يوضع الزيت اثناء دوران الخليط في هيئة سرسوب رفيع حتي يقف الخلاط عن الدوران

بسبب سماكة الخليط

ثم ناخذ نصف الكمية من الخليط علي جمب والنصف الاخر نضع عليه

3 بيضة +الفانيلا ويضرب جيدا ثم يوضع الخليط في اناء ليوضع عليه الدقيق+ البودر

ويقلب جيدا ثم يوضع في صينية مبطنة بالسمن والدقيق ( ويستحسن نبطنها بالكاكاو )

وتخبز في فرن متوسط الحرارة

وعند تمام السوي يقطع الكيك ويوضع عليه خليط الشيكولا اللي جنبناه في الاول

ولازم نقطع الكيك الاول عشان الشيكولا تتخللها ... يمممممم

وبالهنا والشفا ^_^

عيد فطر مبارك

عيد فطر سعيد

أعاده الله عليكم باليمن والبركات والخير والسعاده علي الامه الاسلاميه

رمضانيات مصريه 6

مظاهر تراثيه

فانـــــوس رمضــــــــان

والمعنى الأصلي «للفانوس» كما ذكر الفيروز آبادي في القاموس المحيط : هو «النمام».ويرجح صاحب القاموس أن تكون تسمية الفانوس بهذا الاسم راجعة إلى أنه يبدي ويظهر حامله وسط الظلام، والكلمة بهذا المعنى معروفة في بعض اللغات السامية، إذ يقال «للفانوس» فيها: فناس. ومن الفوانيس «فانوس» السحور، وهو في الأصل فانوس كان يعلق بالمآذن مضاء وهاجا، فإذا غاب نوره كان ذلك إيذاناً بوجوب الإمساك والكف عن المفطرات. وفي هذه الأيام قليلا ما نشاهد فانوس السحور معلقا بالمآذن، إذ استعاض الناس عنه بالثريات الكهربائية.

ارتبط رمضان في مصر بالفانوس وزينة رمضان ففرحة الاولاد في تزيين الشوارع بزينه هي مخصصه لرمضان فقط لتزيين الشوارع والحارات بالاضافه للفوانيس المصنوعه يدويا احيانا كبيرة الحجم وتعلق بين البيوت لانارة الشوارع احتفالا بالشهر الكريم نستطيع قول ان هذه فرحة الاطفال برمضان حيث تنافسهم في اجمل تزيين وافضل فانوس حيث نجد كل شارع يدخل في منافسه مع الاخرين علي اجمل زينة فيقومالأطفال والشباب الصغير فيقوم بتزيين الشوارع وإنارتها، ووضع صورة للكعبة وفوانيس رمضان في الشرف ومداخل البيوت


لمحه تاريخيه لفانوس رمضان :

حالو.. ياحالو.... رمضان كريم ياحالو فك الكيس وادينا بقشيش.. ياتروح ما تجيش ياحالو..

إستخدم الفانوس فى صدر الإسلام في الإضاءة ليلاً للذهاب إلى المساجد وزيارة الأصدقاء والأقارب وقد عرف المصريون فانوس رمضان فى الخامس من شهر رمضان عام 358 هـ وقد وافق هذا اليوم دخول المعز لدين الله الفاطمى القاهرة ليلاً فاستقبله أهلها بالمشاعل والفوانيس وهتافات الترحيب وقد تحول الفانوس من وظيفته الأصلية فى الإضاءة ليلاً إلى وظيفة أخرى ترفيهية إبان الدولة الفاطمية حيث راح الأطفال يطوفون الشوارع والأزقة حاملين الفوانيس ويطالبون بالهدايا من أنواع الحلوى التى ابتدعها الفاطميون، كما صاحب هؤلاء الأطفال – بفوانيسهم – المسحراتى ليلاً لتسحير الناس، حتى أصبح الفانوس مرتبطاً بشهر رمضان وألعاب الأطفال وأغانيهم الشهيرة فى هذا الشهر ومنها وحوي يا حوي أشكال وأسماء

تفنن الصانع المصري والذي اتخذ من مناطق بعينها مرتعاً لصناعته ومنها منطقة باب الخلق التى يتمركز فيها شيوخ الصناعة وأشاوستها

والمتخصصين فى إعداد الفانوس فى أشكال شتى وأنماط متعددة لكل منها إسم معين، وفي الفوانيس كبيرة الحجم كان الحرفي يحرص على تسجيل إسمه عليها

فأصغر فوانيس رمضان حجماً يسمى (فانوس عادي أو بز) وهو فانوس رباعي الشكل وقد يكون له باب – ذو مفصلة واحدة – يُفتح ويًغلق لوضع الشمعة بداخله، أو يكون ذو كعب ولا يتعدى طوله العشرة سنتيمترات،

أما أكبرها فيسمى (كبير بأولاد) وهو مربع عدل وفي أركانه الأربعة فوانيس أخرى أصغر حجماً،

و (مقرنس أو مبزبز كبير ) وهو بشكل نجمة كبيرة متشعبة ذات إثنى عشر ذراعاً.

ومن الفوانيس ما هو (عدل) ويتساوى إتساع قمته مع قاعدته، ومنها ما هو (محرود) وتنسحب قمته بضيق نحو قاعدته ومن ثم فقد تعددت أسماء الأشكال الأخرى لفانوس رمضان

فمنها: مربع عدل – مربع محرود – مربع برجلين - مسدس عدل – مسدس محرود
أبو حشوة (وله حلية منقوشة من الصفيح أسفل شرفته – مربع بشرف (أي له شرفة منقوشة من الصفيح حول قمته

– أبو لوز ويُطلق عليه فانوس فاروق أو فانوس أبو شرف وهو يُشبه فانوس بز لكنه أكبر منه فى الحجم – أبو حجاب – أبو عرق – مقرنص الذى تكون جوانبه على شكل المقرنصات الموجودة بالمساجد – شقة البطيخة (مربع أو مدور) – شمسية بدلاية - البرلمان - تاج الملك،

ومن الفوانيس ما يتخذ شكل الترام والقطار والمركب والمرجحية وهذه يعلق بها عدد من فوانيس البز الصغيرة لتدور حولها مشابهة لمراجيح الموالد والمواسم والأعياد.

وقد ظهرت أشكال جديدة ودخيلة من الفوانيس، والتى يتم استيرادها من الصين وتايوان وهونج كونج، وهي مصنوعة - ميكانيكياً – من البلاستيك وتتخذ أحجام تبدأ من الصغير جداً والذى قد يُستخد كميدالية مفاتيح ويصل سعرها إلى ما يزيد عن الجنيه الواحد ومنها الأحجام المتوسطة والكبيرة نسبياً، وتُضاء جميعها بالبطارية ولمبة صغيرة، وتكون أحياناً على شكل عصفورة أو جامع أو غير ذلك من الأشكال التى تجذب الأطفال، ومزودة بشريط صغير يُردد الأغانى والأدعية الرمضانية، فضلاً عن بعض الأغانى الشبابية المعروفة للمغنيين الحاليين.

لكن اشهرها علي الاطلاق هذا العام هو فانوس كرومبو

ولا شك أن هذه الأنواع الدخيلة تُهدد الصناعة المحلية التى تميزت بإنتاج الفانوس الشعبي ذو القيم الجمالية الأصيلة والذى يحمل رموز وإبداعات الشعب المصري عبر التاريخ، حيث وصلت فاتورة استيراد الفوانيس العام الماضي إلى 30 مليون جنيه ويتوقع بعض الاقتصاديين أن تصل إلى 35 مليون جنيه (7 ملايين دولار تقريباً). مظاهر رمضان بالقاهرة بدأت مبكراً والفانوس الصيني بدى متفوقاً من خلال أشكاله وأحجامة وسعرة التنافسي حيث بدأت المحال التجارية في مصر عرض فوانيس شهر رمضان المبارك مبكراً ابتهاجا بقدوم الشهر الكريم،

أما وضع الفانوس المصري في الشوارع والأزقة فيمكن رصده عقب الإفطار وعند قدوم المسحراتي حيث اعتاد الأطفال بعد ذلك على حمل فوانيسهم ومصاحبة المسحراتي ليلاً لإيقاظ الناس من النوم لتناول وجبة السحور، مرددين نشيد (إصحى يا نايم وحد الدايم) وعلى مر السنوات المتوالية أصبح الفانوس مرتبطاً بشهر رمضان. وإلى جانب الفوانيس، بدأ يظهر في الشارع المصري في السنوات الأخيرة ما يطلق عليه "صواريخ رمضان"،

والظاهرة ليست جديدة؛ حيث اعتاد أطفال القاهرة استخدام مفرقعات بسيطة، مثل: "البمب"، و"حرب إيطاليا"، وغيرها كنوع من مماثلة وتقليد مدفع الإفطار، ولكن الجديد هو الصوت المزعج والمرعب لهذه الصواريخ، والتي تستخدم أحيانًا في مضايقة الفتيات والنساء.

تـــــــــــــــــــــــــــــــــــــــم بحمـــــــــــــــــــــــد اللـــــــــــــــــــــــــه

رمضانيات مصريه 5

أما ما يسمى بالياميش والمكسرات فتستحوذ على نصيب كبير سواءً في مأكولات المصريين جميعها من خلال الحلوى التي عادة ما تكون الكنافة أو البقلاوة والكنافة والقطايف والتي يتم حشوها جميعها بالمكسرات والياميش، ويحتل الخشاف منزلة هامة بين الأصناف التي تعتمد على الياميش كمشروب ومأكل محبب للجميع.

وهي كلها اكلات تميز بها الشهر الكريم دون غيره وخصوصا الكنافه والقطايف والخشاف , والخشاف يتكون من تمر وتين وزبيب واراسيا .

يلاحظ في السنوات الأخيرة ظهور أشكال وألوان من الياميش والمكسرات على مائدة إفطار الأسرة المصرية، بالإضافة إلى البلح الذي تفنن تجّاره في إطلاق أسماء المشاهير من نجوم الفن والسياسة على أنواعه المختلفة، ويعد بلح "أوباما" أحدث هذه الأنواع وأغلاها.وكان في الاعوام السابقه "حسن نصر الله " و "بن لادن"

ومن اجمل المظاهر هي شكل بائعي الياميش في الشوادر ومدي الاذدحام عليهم الي جانب صانعي الكنافه والقطايف منظر مميز جدا جدا لرمضان وطبعا لا ننسي بطل رمضان الاول وهو الفول المدمس حيث يقبل عليه الشعب المصري بشكل غير عادي في السحور واحيانا في الفطار والزبادي هو البطل التاني بعد الفول , ويتميز الزبادي والفول بعدم العطش او الجوع في نهار رمضان







كما يتزايد الاقبال علي المقبلات وخصوصا المخللات بكافة انواعها واشكالها بالاضافه للعصائر وخصوصا عصائر عرق السوس والتمر هندي والخروب والسوبيا وعصير القصب فكلها تروي عطش الصائمين بعد يوم طويل من الصيام





كما ان من المظاهر الاجتماعيه التي لا نستطيع تجاهلها هي موائد الرحمن والتي لا يخلو شارع مصري من مائدة رحمن



فرجال الاعمال وكبار التجار والمشاهير يتسابقون في عمل شوادر كبيره واقامة موائد للافطار ليفطر بها الماره وعابري السبيل وغير القادرين ويتميز افطار هذه الموائد بوجبات جيده جدا معدة بشكل راقي ولاتخلو من اللحوم والخضار وكل ما لذ وطاب




فهي اصبحت طابع مصري في كل رمضان