١١:٤٩ م

فريك بالكبد والاوانص


فريك بالكبد والاوانص

المقادير :

فريك
- كبد واوانص مقطعه قطع صغيره
- بصل
- عصير طماطم
- ملح - فلفل - بهارات - قرفه مطحونه - قليل من جوزة الطيب

الطريقه :


ينقي الفريك جيد جدا ويغسل جيد جدا جدا ثم ينقع في ماء مغلي لمدة نص ساعه تقريبا


وفي هذه الاثناء نضع الكبد والاوانص علي النار تستوي جيدا نضع عليها قليل من الفلفل والملح حتي تمام السوي ثم
نقطع بصله كبيره او بصلتين متوسطين وتشوح في الزيت ثم نضيف عليها الفريك ثم نضيف عليهم الكبد والاوانص ونضع عليهم التوابل


ثم نضع عليهم عصير الطماطم ويترك الخليط علي النار حتي الغليان ثم يوضع في الفرن حتي تمام النضج









وبالهنا والشفا

................................................................................................


الصنف التاني اللي هقدمه مع الفريك صنف محبب اليّ جدااااااااا وهو :

الكوردون بلو - cordon bleu

المقادير :


قطع لحم فيليه
او صدر فرخه مخلي (فيليه )
- شرائح جبنه شيدر
- اي نوع من اللانشون ويفضل المدخن
- ملح - فلفل - بهارات - رشة قرفه ناعمه - عصير لمونه - مية بصل


الطريقه :

نجيب
اللحم ونتبلها بالملح والفلفل واللمون ومية البصل ( القرفه والتوابل اختياري ) ونسيبها شويه




ثم نضع عليها شريحة من الجبن واللانشون ونلفها كويس ونراعي ان الحشو ميطلعش من الجوانب عشان المكونات متطلعش في القلي



ثم نلفها جيد جدا ونضعها في كيس تلاجه (كل واحده لوحدها في كيس ) ونضغط عليها بايدنا كويس عشان متفكش ونلف الكيس عليها كويس جدا ثم نضعها في الفريزر لمدة ساعتين علي الاقل




بعد الساعتين نطلعها من الفريزر ونحطها في دقيق ثم بيض ثم بقسماط ثم نضعها في الفريزر مره اخري والفايده هنا عشان المكونات ترتاح ولما نقليها البقسماط مش تسيب الفليه وتقع في الزيت لذلك هنتركها في الفريزر ربع ساعه علي الاقل



بعد كده نقليها في زيت غزير و بالهنا والشفا



..............................................................................................

الحلو بئه ما انا ماليش بركه غيركم ولاني ديموقراطيه علي الاخر اخترت اكتر حاجه بحبها وفي نفس الوقت تبرد علي القلب بعد الاكله اللي كلها توابل دي


كريم كراميل :


طبعا مفيش اسهل منه ومش محتاج خبره بس لاحظت ان ناس كتير بتلجا للكراميل الجاهز في حين لما بيتعمل بيتي بيكون الذ بكتييييير واليكم طريقتي :

المقادير :

كيلو لبن

- 6 بيضه

- فانيليا

- سكر حسب الرغبه


الطريقه :

يوضع اللبن في اناء ويضاف عليه السكر ويقلب جيدا حتي الذوبان ثم نضيف اليه البيض بيضه بيضه مع التقليب المستمر ثم الفانيليا



لعمل الكراميل : يوضع السكر علي النار لمجرد انه يذوب ويصبح لونه بني



بعد كده نضع الكراميل في قاع الاناء اللي هيدخل الفرن


نضع عليه خليط اللبن والبيض ثم نضع الاناء داخل قالب به ماء ونضعهما في الفرن


حتي يستوي الكريم الكراميل تماما


بعدها نتركه حتي يبرد ثم نضعه في التلاجه ليبرد وبالهنا والشفا



اي خدمه ^_^

6 التعليقات:

امنية يقول...

مستكة
هو انتى مش ناوية تفتحى فرح فى القاهرة؟؟

D:

تسلم ايدك

مستكه يقول...

ههههههههههههه فرح يسمع منك ربنا

موني معلش اتاخرت عليكي بالاكل وزمانك نمتي جعانه

زي ما انتي شايفه تلات اصناف اخدو مني وقت شويه

تسلميلي يا حبيبه

موناليزا يقول...

تسلم ايدك:)
عجبتنى فكرة اللحمة

مستكه يقول...

تسلمي ياموناليزا
فعلا الكوردون بلو لذيذ جدا كنت احب اقطعها تشوفها من جوه الجبن سايح واااو
بس بصراحه انا اول ما شفت الطبق مقدرتش يادوب افتكرت اصوره
^_^
بس جربيه وعلي ضمانتي ان شاء الله

غير معرف يقول...

الحبيبة مستكة
معلش غايبة شوية علشان الظروف الصحية
ايه الجمال ده ده انتى ست بيت ممتازة
بصراحة كل حاجة هايلة
ولا الحلو خطير الكريم كراميل
معلش ادينى العنوان علشان عاوزاة
اعمل زيارة
ربنا يبارك فيكى ياحبيبتى
وزى ماوعدتك سيكون بينا التواصل
تحياتى

مستكه يقول...

والله حضرتك الاجمل
وبتحرجيني بزوقك
طبعا اسعدني جدا مرورك
وشرف ليا تواصلنا
وان كنت انا مقصره
لكن ان شاء الله الجاي يكون افضل