٣:٣٢ ص

حينما ......



- حينما يَحذرك معظم من حولك
- حينما تبتعد عنكي صديقاتك المرتبطين خوفا من العين
- حينما تزورك احدي قريباتك وطوال الزياره لا حديث سوي الشكوي من الاطفال وشورتهم وابوهم واللي جابهم
- حينما تكتشفي فجاه انك تعيشين في حياة الاخرين لكن مفيش حد عايش معاكي حياتك
- حينما ينظر لكي البعض علي انك انسانه ضعيفه وهشه ومعقده
- حينما تتعرضين لسخافات من زملاء العمل او ممن يضعهم القدر في طريقك ليصبحوا مثل القضي المستعجل
- حينما يري احد المخلوقات يطلق عليه مصطلح رجل انه فرصه ذهبيه لاتعوض وتصلي طول عمرك وتحمدي ربنا وتبوسي ايدك شعر ودقن لمجرد انه عبرك وفكر فيكي وقرر يعطف عليكي ويرتبط بيكي دون ان النظر ان كان في مستوي طموحاتك او لا !
- حينما يراكي الجميع انسانه عنيده ومش عارفه مصلحتك لمجرد انك بتختاري مستقبلك بعقلك وقلبك وراحتك النفسيه
- حينما يتجاوز احدهم حدوده ويعرض عليكي ان تكوني زوجه تانيه او زوجه بعقد عرفي
- حينما تجدي هناك من دخلوا حياتك دون استئذان وذهبوا دون ان
يلتفتوا حتي اليك بكلمة وداع او اعتذار
- حينما يعاملك كل من حولك علي انك انسانه فاضيه مهما كانت مشاغلك لمجرد انك مش مسؤله عن اسره حتي لو حلفتلهم علي الميه تجمد انك فعلا عندك مشاغل وهموم زي اي انسان طبيعي خلقه ربنا ومحدش هيصدقك برضه
- حينما تشعري انك دائما في مفترق الطرق
- حينما تتنازلي عن بعض او كل مبادئك
- حينما ينظر اليك المجتمع مره بنظرة شفقه ومره بنظرة عتاب ومره بنظرة اتهام لانك لم تتزوجي بعد
- حينها اعلمي عزيزتي المفقوع مرارتها انك دخلتي عالم العنوسه من اوسع ابوابها

فأهلا وسهلا بكي ^_^

6 التعليقات:

موناليزا يقول...

مش شرط خالص على فكرة:)

غير معرف يقول...

اول مرور لى على مدونتك
وحينما دخلت حسيت راحة
وحينما قرات حسيت بزعل
ليه بقى الزعل
لانه حينما تسيطر علينا هذه الافكار
لن تخلف ورائها غير التشويش
لاعنوسة ولاحاجة حبيبتى
فحينما ياتى النصيب سيكون الملتقى
ولى عودة دائما على مدونتك
تحياتى

مستكه يقول...

اهلا بيكي يا موناليزا

هو ممكن يكون مش شرط بس لما تجتمع مواقف كتيره من السابق ذكرها دي

يكون ايه تفسيرها !!!

ولا بتعتبريها حساسيه او سوء ظن في التفكير !

نورتيني بزيارتك واتمني تتكرر

مستكه يقول...

ام مالك الحبيبه

اولا اهلا وسهلا بيكي اسعدني مروورك الكريم

ثانيا اسفه انك حسيتي بزعل

بس عايزه اوضح لحضرتك نقطه ..

الافكار السلبيه دي مش زعل علي وضع او حالة اجتماعيه بالعكس

صدقيني موضوع الارتباط في حد ذاته مش فارق

لكن اللي بيفرق وياثر بجد هي معاملة المحيطين سواء كانت بشكل متعاطف او عكس ذلك

لان كلا الاسلوبين بيحسسك ان فيه حاجه غلط وناقصك حاجه كبيره

في نفس الوقت اللي انتي من جواكي اقلمتي حياتك علي وضع معين وحققتي نجاحات وحولتي طاقاتك في اتجاهات معينه عشان متبقاش كلها في اتجاه واحد وتخسري في الاخر

لذلك بحس ان المحيطين بيكسرو مأديفك فمهما حاولت بيكون احساس العوم ضد التيار

غير تصرفات بعض الناس الغير مسؤله اللي بتلاقي نفسك اتحطيتي فيها بدون ذنب

بتكون بالظبط زي الملح عالجرح

عموما دي زي قضفضه متزعليش منها لان الخط العام للمدونه بعيد عن الكابه

ان شاء الله البوست الجاي يكون حاجه اخر فرفشه ماليش بركه غيركم

بس انتو تعالووا

^_^

غير معرف يقول...

مستكة الجميلة
انا عارفة ياحبيبتى ان ممكن الناس
والمواقف اللى حواليكى هى الى بتوصل لكده وانا قدامى تصرفات بكده
وعلى فكرة انا مش زعلانة من المدونة
ومقدرش اقول انها كئيبة بالعكس
دى جميلة ومرحة زى صاحبتها
انا زعلت ان تصيبك هذه المواقف او
التصرفات بالاحباط
بالنسبة للمدونة فلن اترك المرور
عليها وسوف اضعها عندى فى ارشيف المدونات الحبيبة
دعواتى

مستكه يقول...

ربنا يعزك ويخليكي يارب

وانا مبسةطه جدا اني اكسب شخصيه جميله زي حضرتك

في انتظارك