١٠:٤٩ م

الــعــزيــزيــة

السلام عليكم ورحمة الله وبركاته
هنعمل انهارده نوع حلو طعمه لذيذ جدا
طريقته سهله ومضمونه ان شاء الله
المقادير :
- كوب مكرونه ( اي نوع )
- 1 كيلو لبن
- كوب سكر
- فانيليا
- 2 بيضه
- 2 ملعقة نشا او كاستر
الطريقه :
- تسلق المكرونه جيدا (بدون ملح ) ثم تصفي وتضرب في الخلاط مع اللبن والسكر جيد جدا
حتي تختفي المكرونه تماما وحتي لا تكون مخرزه ( وياريت لو نصفي الخليط بالمصفي عشان لو فيه اثر للمكرونه يزول )
نضع الخليط في اناء ثم نضرب البيض + الكاستر + باقي كيلو اللبن ( لاننا لانضع اللبن كله مع المكرونه )في الخلاط
ثم نضع الخليط كله علي بعضه في قالب مبطن بالسمن او الزيت
ونضع علي وش القالب مقدار ملعقه زبده سايبه او سمن وملعقه كبيره قشطه
ثم نرش الوش بالسكر المطحون من خلال مصفاه صغيره
ليصبح شكلها النهائي قبل الفرن هكذا
وتسوي في الفرن تقريبا نفس سوي الكيكه

ليصبح شكلها النهائي هكذا

ملحوظه :

- بعد خروجها من الفرن تترك حتي تبرد تماما ثم تقطع وتوضع في الثلاجه ثم تاكل بالهنا والشفا

طعمها بيكون قريب جدا من الكريم كراميل انا بعملها دايما بالكاستر مجربتهاش بالنشا (الكورن فلاور )

اللي عايز يجربها مبدئيا ممكن يجرب نص المقدار هيعمل قالب زي اللي فوق ده

وبالهنا والشفا

^_^

8 التعليقات:

Blogger norahaty ... يقول...

شكلها حلوووووووووة يامستكة
يارب طعمها يكون حلو زى شكلها
هو انا جربت مرة وانا فى السعودية وكانت معاى واحدة هندية هى اللى قالت لى على الطريقة(مكرووونةبالسكر دكتوووورة كتييير جميل ده هى اللى كانت بتقول )المكرونة وبنفس الطريقة
لكن من غير ضربها فى الخلاط بمعنى كل حاجة
زى ما انتِ عملت ولكن من غير ما اضربها
فى الخلاط وكانت حلوة برضه

norahaty يقول...

نسيت اقولك :
بالهنا والشفا :)

مستكه يقول...

اهلا بيكي يا norahaty

نورتي المدونه والمدونات اللي جمبها

صدقيني العزيزيه بالطريقه دي طعمها رائع وكل اللي جربها حبها اوي

سمعت برضه عن المكونه المسكره دي دمياط مشهوره جدا بيها

بس دي غيرها

جربيها بئه وقوليلي رايك ايه

وبالهنا والشفا عليكي يارب

salma mohamed يقول...

شكلها حلو فعلا
وبتفكرني في طريقتها ومكونتها ان لم تكن هي بحاجة اسمها عزيزة
كانت والدتي الله يرحمها بتعملها,
تسلم ايدك.

لوجين أبو الدهب يقول...

ان شاء الله هاجربها ..

كنت فاكرها المكرونة بس وضحتلى يامستكتى ..

انا هاعمله بالنشا ان شاء الله اجربها كده ..

تسلم ايدك يامستوكة ..

مستكه يقول...

منوره ياسلمي بفرح جدا لما اشوفك علي فكره

تسلمي يا حبيبه

بصراحه يا سلمي معرفش حلو اسمه العزيزه الا دي

جربيها ان شاء الله هتلاقيها زي والدتك كانت بتعملها

مستكه يقول...

لووووووووجين

تسلمي ياحبيبة قلبي

ماشاء الله عليكي شكلك متفوق في المطبخ

كفايه بس البيكاتا

يلا قوليلي نتيجة التجربه انا منتظراكي اهو

غير معرف يقول...

تسلم ايديك يا مستكه ده
انا كنت بدور على طريقتها في السيرش وربنا وفقني وبعت الطريقه من ايدك شكرا
الف شكر