١٠:٤٢ م

إليـــهـــــا



اليها
الي نسمة الهواء اللطيفه في قيظ الحياه
الي منبع الامل بين جبال اليأس
الي اجمل بسمه تمحو تلال الحزن
الي اول يد تنثر الامان والحب
الي كل معاني الحياه
واسمي مشاعر الانسانيه
الي احن حضن في المجره الكونيه
الي واحتي
وجنتي
ومَدرستي
الي حياتي

أ

م

ي


شكرا علي كل حاجه

وسامحيني


الكلمات دي نقطه في بحر من احساسي تجاه امي

اول مره اكتب عن امي واحساسي بيها
مع انها نسمة الهوا اللي بتنفسه
حاجات كتيره اوي في حياتنا علي الرغم من اهميتها
الا ان "عاديتها" بتخلينا نتعامل معاها بفتور وروتين
واكيد ده بيكون سبب في تقصيرنا تجاهها
من اهم الحاجات دي
الام والاب
طول عمرهم بيدونا بدون انتظار مقابل
بيدونا بحب
الناس الوحيده في العالم اللي بيتمنو اننا نكون افضل منهم
كتير بتخيل نفسي لما اكون ام
هو انا هقدر اكون في حنية ماما وصبرها وتسامحها معانا !!
بتستحمل كتير جدا
بنعند
ونتكبر
وعمرها ما بينقص حبها رغم كل شيء

يمكن مقلتش الكلام ده لامي وابي وجها لوجها
لكن اتمني يكونو عارفين هما ايه بالنسبه ليا

ملحوظه :
دي فضفضه
البوست ده مش عشان عيد ام
السنه كلها لو عيد ام ماتوفي حقها
غير ان عندي تحفظ علي يوم عيد الام اللي بيكون سبب في جرح ناس كتير وألمهم بدل ما يكون مصدر فرح

9 التعليقات:

الفقيرة إلى الله أم البنات يقول...

يقول...

ربنا يبارك فيك
ويجعلك انت واخواتك قرة عين لها
ويسعدك دنيا وآخرة ويرزقك ببنوته جميله زيك...يا أجمل مستكه
ربنا يبارك فيك
بحبك يا بنوته
ربنا يخلى لك ماما وبابا ويفرحهم بيكم

الفقيرة إلى الله أم البنات يقول...

http://www.templatelite.com/simple-style-free-wordpress-theme/


وقولى لى إيه رأيك علشان القالب الحالى عامله لك مؤقت..يلا اختارى بقى

مستكه يقول...

ام البنات ربنا يخليكي يارب

ويسعد قلبك ببناتك وتفرحي بيهم اللهم امين

وربنا يخليكي ليا يااااااااااااارب

بصي ياست الكل معلش هتعبك معايا غير تغيير القوالب المدونات اللي بتابعها بيتعرض اخر موضوع نزل فيها في الريدر عندي

بس لما بدخل المدونه مش بلاقي البوست الاخير زي ما حصل معايا عندك

فهماني !

مش عارفه المشكله فين * *
^

^

ghorBty . يقول...

ما شاء الله

كلام جميل واحساس صادق

ربنا يبارك لك فيها وتفرح بك ان شاء الله

لوجين أبو الدهب يقول...

فعلا والله صدقتى يامستكة ..

الروتين غلب على حياتنا وخلنا نغفل عن واجب لازم نعمله مرار وتكرارا ناحيتهم ..

ربنا يبارك لك فى والدتك ووالدك ويخليهم ليكى .. ويخليكى ليهم ..

وتفضلى اجمل بنوتة ليهم وتبقى اجمل ام ان شاء الله ..

دمتِ بخير

مستكه يقول...

غربتي

الله يعزك

اسعدني جدا مرورك

وربنا يباركلنا في اهلنا اللهم امين

مستكه يقول...

لجين

منوره يا ست الكل

ربنا يبارك فيكي يارب ويجمع شملك باهلك

وان شاء الله هتكوني احن ام يا لوجين انا متاكده من ده

الفقيرة إلى الله أم البنات يقول...

.

تجننيى
مهو البوست باين عندك فى الريدر
يابت حرام عليك هتجننى أمك

مستكه يقول...

طنط ماهو كلهم كده

اخر البوستات بتظهر عندي في الريدر

بس لما اروح المدونات الاقي بوستات قديمه

مش مدونتك بس دا كلهممممم

عااااااااااااااااا